_سهم الغرام_♟️🫀
_ب_: 118
جلسات غفران كترتاح وحالتها بشتا وهي تجي ليها حبيبة .
حبيبة: نوضي المسطية حيدي هاد لحالة لبرد ونتي واحلة فروحك نووضي حيدي هاد شي وديك ساعة وجلسي.
غفران: فف عييت الميمة.
حبيبة: طكييي عليك هذا يالله تلت شهور داخلة فربع شهور وعيتي واابنيتي ملي توصلي ل ستة شهور وسبع شهور اش ديري تولي زحافة .
غفران ضحكات: ههههه اربي الميمة ضحكتيني وخا مفياش.
حبيبة كضحك: وتي نوضي نوضي .
ناضت غفران يالله طالعة فدروج وهي تعيط ليها رحمة.
رحمة: غفران ابنتي وصلاتك واحد لبرية ماعرت اش فيها درك جابها لفاكتور.
غفران شداتها: تانشوف ونقول ليك.
طلعات غفران حيدات دوك لحوايج لبسات قبية فلزرق سخونة وواسعة وسروال ديالها فلزرق وتقاشر فلبيض وشعرها جمعاتو ولبسات بانطوفتها وهزات ديك لبرية كتقراها عينيها غرغرو بدموع جلسات على ناموسية .
غفران: ياك اتاج دين ياك مجيتي عندي ماطلبتي سماحة مجيتي عند واليديا وطلبتيهم يدويو معايا يااك اتاج دين من لول دغيا بغيتي تسخا بيا يااك اتاج دين شنو فيها هي شنووو يعلم الله واش كنتي كتخوني معاها من قبل خسارة والله تاخسارة .
بقات كتبكي كانت استدعاء ديال طلاق وغيكون لغذا بحكم داير طلاق اتفاقي يعني مكاينش معارضة فيه خلات ديك لبرية تم وناضت جلسات حدا سرجم كتبكي وتمسح دموعها وتاني تولي تبكي وتعاود تبكي.
غفران: دبا غيطلق مني غيمشي يتزوج بيها باينة .
تاج دين لي رجع لدار دخل وجلس فصالون كانت غير رفيعة جالسة كتلعب فتيليفونها .
تاج دين: فين هي الوليدة!
رفيعة: مشات عند مونية هي جارتها لخرة .
تاج دين: علاش!
رفيعة: تعطيهم شي كلام صحيح باش ميبقاوش غير كيوضرو فلهضرة.
تاج دين : امم مزيان.
رفيعة: دغيا سخيني بمراتك حشومة عليك .
تاج دين خنزر فيها: هاديك حياتي وكنبغيها وعمرني نبغي وحدة اخرى من غيرها فهمتي وعمرني نتزوج وحتى هي عمرها تتزوج والله وتزوجات تانذبحها ونذبح هذا لي سخات عليه روحو فهمتي وحتى ولدي كنحلف ليك بالله تاتولدو بين يدي مغتربيهش بوحدها وغطلقها وعمرها تفرح انه شي نهار تبدلني ولا تنساني.
رفيعة: تهدن تهدن انا غير سولتك الله اخويا.
تاج دين: انا قلت ليك لي كاين وبيتها تاحاجة متتآدا فيه حيث غترجع ليه مولاتو فهمتي ورتاحي دبا وديك مونة ولو تنجح الخطة ديالها عمرني غنديها فيها فهمتي.
رفيعة: امم فهمت فهمت .
يتبع...
