_سهم الغرام_♟️
_ب_: 149
دازت ليام دغيا وليوم هو يوم لعقيقة فبيت فدار لحاج محمد مستفين لحلوة فصنيدقات غوز وفيهم لقلوبة وكريسات صغار فلغوز فيهم زميتة "سفوف" ، تاستسمع صوت لحاج ميلود طالع فدروج كيتعافر مع واحد لحولي تبارك الله صردي ولحاج محمد وراه كيعلي على جلابيتو كيدفع معاه وعبد رحمان كيضحك عليهم وهاز جناوا وتابعهم لسطح وتاج دين وراهم هو ورشيد ومحسن ونوفل وزهير .
طلعو لسطح وتكاو داك لحولي وواحد شاف فواحد وهو ينطق لحاج ميلود .
لحاج ميلود: اش غتسميوها!
تاج دين: وصال.
لحاج محمد: اش هاد سمية سميها بعدا على سميت جداك حادة .
تاج دين: بنتي الوليد سميتها وصال .
قرا تاج دين دعاء وتكاو لحولي وجبد جنوي ودوز عليه وهوما لعيالات كانو كيطلو من باب ديال سطح بداو يزغرتو وغفران شادة وصال فيدها وتبسمات وتمو هابطين مع دروج فرحانين .
رجالا بقاو كيفصلو فداك لحولي وعطاو لطيابة لي فلبيت ديال سطاح كتطيب ومعاها زهرة ورحمة كيمدو ليها فدجاج وهي كطيب ولبصلة مقطعة حداها .
لحاج ميلود كيمسح يديه فجلابتو لي عمرات بدم : ولكبدة تشويوها دبا ولا تالغذا!
زهرة: لاااا لكبدة متشوااش .
لحاج محمد: علاش الالة زهرة!
زهرة: لتشوات لبنت غيطلع وجها مشوي.
سوسن: هههههههههه منين جبتي هاد شي امي.
زهرة هزات واحد لمغرف زفات عليها: سكتي الحمارة سكتي.
تاج دين لي دخل عند غفران لي لبسات قفطان فلبيض منبت بلفضي وخفيف وزيف ومكياج خفيف ولحناء منقوشة فيديها شاف فيها وتبسم وجرها معاه وجلسها على ناموسية.
تاج دين: معرفتش كيفاش كانت غتكون حياتي بلا بيك.
غفران تبسمات: هه معرفتش!
تاج دين: كنت كنقول عمرني نبغي ولو نتزوج غيكون زواج عادي وصافي وعمرني كنت كنقول غنلقا وحدة بحالك ولكن . شد ليها يدها حطها على قلبو ، لحب ديالك دخل لقلبي بحال شي *سهم* وبقا واغل ايلا حيدتو غتبقا لبلاصة كبيرة وايلا خليتو كيضرني ، نتي نورتي ليا حياتي بعدما كانت طافية ، لونتيها ليا بعدما كانت باهتة .
غفران: تالهاذ درجة هه!
تاج دين: بزاااف ولغرام ديالك قضا عليا وديكشي علاش غنقول ليك بلي كنبغييك وعمرني نخليك.
غفران: ههه *سهم الغرام* ياك
تاج دين: ااه سهم الغرام ديالك دخل لقلبي وعشش هه.
غفران شدات ليه فيديه وتبسمات: كنبغيك.
_النهاية_‼️🖤🥺
Wlhhh makhit bi had 9issa abnat Hiya BSH Machi ana li katbaha ms dima kathat kikhasni HTA ana na9ra WO n3ich m3ahaa
وبهاكذا غتكون سلات قصتنا موعدنا غذا ان شاء الله
Pss: Kayna Wahd 9issa kamla makmola khasani ghir nhatha na9dar ndir fiha chi 2jours Bach nhotha ms HTA nchof les avis diyalkom 3la had 9issa katboliya fi commentaires WO voteww abnat Bach TLA3 9issa lnass lakhrin WO partager WO rah kanchof Bnat li kihoto des commentaires zwiwnin bhalhom WO ki votew kanabghiw nachkarkom bzfffffff ❤️❤️❤️kima t9al fi Lawal natla9aw fi 9issa akhraa inchallah ❤️❤️❤️
