_سهم الغرام_♟️
_ب_: 116
رجع لدار وتم داخل دار ساكتة لقا سلام على نصيرة ورفيعة وطلع لبيتو لي فيه ظلام دخل وجلس وشد راسو بين يديه كيخمم .
تاج دين:دبا اش ندير خويتي بيتي ولكن قلبي متحلميش غتخويه وعمرني نتفرق عليك .
تلاح فوق ناموسية باش ينعس حيث كيحس براسو عيان بزاف ، اما غفران ناعسة فبلاصتها ودموع كينزلو من عينيها بحال شتا وكتفكر لموقف ديال لبارح كتزيد تبكي بقات على حالها تانعسات .
صباح صباح وليوم صبحات شتا تبارك لله ناس كلها مخشي فجاكيطتو وكلها داير مضلتو غفران كي فاقت حلات سرجم وبدات كتشوف فشتا كطيح وناس كل واحد فبن غادي لوليدات غادين يقراو وكل واحد اش كيدير بقات كتشوف فلخر سدات سرجم وهبطات عندهم لتحت لقات رحمة كتحط فسفنج سخون باست راس جدها وجداتها زهرة وحبيبة ولاب ديالها ولام ديالها وجلسات .
لحاج ميلود مخشي فجلابتو سخونة وفرحان بلجو: هاد شتيوة كتحي فينا روح كتحي فينا الحياة الله ياربي الله.
زهرة: اييه ومزيناتو جو غزال .
رشيد: اييه بلحق الوليد مشيتي لبلاد ولا باقي!
لحاج ميلود: ان شاء الله ايلا كتب الله لعشية نبات تم .
زهرة: اييه نيت وهضر مع دوك لي مقابلين دار يبداو يوجدو لارض راه زينة هاد العام ان شاء الله .
رشيد: وزيتون دبا راه طاب .
رحمة: اييه عندكم صح.
غفران: تبدل لجو من لبارح ليوم.
حبيبة: بداو يدخلو صمايم لباردين ابنتي راحنا دبا صافي وصلنا على شتوة .
غفران: اييه امي عندك الصح.
سوسن: نخليكم خاصني نمشي غنتعطل على لخدمة.
لحاج ميلود: وشتااا عليك الاستاذة ديالنا لبسي ابنتي عليك .
سوسن: اييه اباجدي ضروري ههه.
زهرة: ابنتي تي كون شديتي طاكسي.
سوسن: اه ضروري.
مشات سوسن كتجري وهي غفران تشوف فيهم .
غفران: فاش خدامة سوسن!
رحمة: راهية ولات خدامة فواحد لمكتبة بعيدة غير شوية.
غفران: ااه الله يعاونها .
رحمة: اميين ياربي.
يتبع...
