_سهم الغرام_♟️🫀
_ب_: 15
_ملي يكثر لغا لحباب لهم مكاين لي يحل عليه لباب_
قادو لحلوى وبداو يستفو فيها فسطولا ويقادوها جمعو لكوزينة ودارو لغلالي يطيبو باش يطيبو اتاي حيث وقت لقهوة ديال لعشية ، مشاو لصالون غير لي تم بلاما يطلعو لفوق جلسو وستاراحو من تمارة لي شقاو فيها تا تمات داخلة نور وامينة وكوثر حطو صيكانهم واش شراو جابو طبلة وحطو فيها اش شراو وبداو كيشوفو لبيجامات لي حب خاطرهم حطو بيجاماتهم حداهم وناضت غفران مدات تيليفون دار للام ديالها تهضر.
رحمة: الووو بهية ختي نتي لباس لبنيات ومي كلكم بيخير !
بهية: لاباس اختي الله يسول فيك الخير وربح كيف راكي نتي ومالين دارك ولبنيات كلكم بيخير.
رحمة: الحمد لله اختي بيخير، غير هو بغيت نقولك جي نتي ومي عندي غذا .
بهية: ياك لباس اختي اش كاين !
رحمة[تبسمات]: خبار لخير الحبيبة كي شتي غفران جاو فيها لخطاب وغيجيو يخطبوها بعد غذا ايوا جيو اختي بغيتكم تكونو معايا .
بهية[حمارة ولون فوجها تخطف]: بصح الله الله يكمل عليها بلخير بنيتي لحبيبة واخا اختي نجيو على راسنا وعينينا اختي الله ياودي شحال عندنا منكم اختي .
رحمة: هذا لمضنون فيك ابنت بويا وتهلاي وغذا نتشاوفو وعنداك تنساي لبنيات
بهية:متخافيش ضرك تجي مي من لحمام هي وسوسن ونعلمهم دبا معايا غير رؤى .
رحمة: وسلميلي عليها وجيبيهم وبسلامة عليك.[قطعات].
بهية[لاحت تيليفون]: شتي يااالبايرة دبا عندك 29 عام وباقية جالسة حدايا وختك 27 عام وجالسة هاهية برهووشة خانزة لبارح عاد تزادت وهاهية غتزوج بلحق والله لكانت ليها.
رؤى: كولشي بلمكتاب امي عادي الله يسخر ليها .
بهية: ياااك الكلبة يااك يااك وليني ناس لي يعرفووو يدورو على رجالا ونتي لي شافك تباتي برا وتباتي فبلايص رجال ولي شافك والو معندك حد متزوجك حد.
رؤى: وخدمتي امي بعيدة على زواج .
بهية: اممم بلحق والله لكانت ليها خاصني غذا نمشي بكري باش غير دير لحنا نجمعها ايلا منسحر ليها نخليها حمقة قولي راني ماشي مكككك .
رؤى: علاش لحنة اش جابها!
بهية[ضربات ففخاضها وهي مغددة]: علاه معارفاش بلي لحنة لي تحتت لعروسة من يدها صالحة لسحور وضربتها متتزاد معاها اصكعة لي ولدات كرشي.
رؤى: اويلي يهديك الله امي لبنت اش دارت ليك وختك ملحقاتك بعيب.
بهية: سكتي عليا سكتي غنبقا شفايا فلعائلة سكتييي خاصني ولابد نحمقها وهاد زواج هو لي ميكونش.
يتبع...
