_سهم الغرام_♟️🫀
_ب_: 60
_ايلا عطيتك ودني بخلي فيها كلام من لقرآن صفيلي عقلي ..ماشي تبخلي سمك وتخليني على دارنا مجلي_
وصل لقا ام سارة جالسة قدام باب سبيطار كتبكي وحداها وحدة غتكون لاخت ديالها كتصبرها بلي لابد من لفراق ووليداتها صغار كيبكيو حداها وقف وشاف فيها.
تاج دين: لحاجة متبكيش ربي غيكون معاك.
لام علات فيه عينيها دامعين وقفات بشوية عليها: اييه اوليدي وكيفاش على كبدتي لي تشواات اش ندييير اوليدي اش نديييير .
تاج دين: صبر اميمتي صبر .
لام: ايييه اوليدي صبر وكيف يقولو صبار حبيب الله ولكن نطلب ربي يسمح ليا حيث راه بقات فيا بنيتي وخوات مكانها كنت عوالة عليها تهز بيا وبخوتها بلحق لموت فصل بيناتنا .
تاج دين: يالله اميمتي نوصلك لدويرتك وغذا ان شاء الله نرجعو باش نديوها ندفنوها اميمتي .
لام: اييه اولدي وكيفاش نخليها وحدها.
لاخت: ختي الحبيبة يالله غير غتعذبي هي مشات عند الله.
ركبات على سعدها ووعدها هزات وليداتها ومشا بيهم تاج دين وصلهم لدارهم وولا ركب وقصد دار وهو كيفكر اش يقول قدام غفران لي حس براسو قفرها من جيهتها مجلس مع عائلتها مابقا حداها ويالله لبارح كان عرسهم وصل لدار حل بابو ودخل.
بانت ليه مونة ورفيعة وزهرة لي طلبوها تبات وكوثر ونصيرة غفران مكيناش.
تاج دين: سلام عليكم.
ردو عليه سلام عرف غفران غتكون فلبيت دخل للبيت لقاها كتصلي جلس على ناموسية كيتسناها تسالي كملات طوات سجادة وضارت شافت فيه.
غفران تبسمات: على سلامتك خلعتيني عليك.
ناض من بلاصتو سلم عليها وجرها من يدها جلسها قدامو: سمحيلي خليتك ليوم والله كانو عندي ضروف اغفران.
غفران شدات ليه يدو: اش كاين قول ليا!
تاج دين حذر راسو: معرفتش باش نبدا !
غفران علات ليه راسو: وقول ليا لي تقالت عليك خفافة عليا.
تاج دين عاود ليها من لول حتى لخر شافت فيه وخنزرات: الله يرحمها ويغفر ليها ياربي والله يصبر لام ديالها مسكينة لازم عليك اتاج دين توقف معاهم فهاد لمحنة وبنسبة لسفر يتعوض اصلا معنديش مشكل .
تاج دين عنقها عندو وفرح بزاف بحال حيد على ظهرو حمل تقيل: بلارتي نتي .
غفران حيدات منو : اخر مرة تمشي مع شي وحدة اتاج دين اخر مرة .
تاج دين تبسم وجرها عندو: علاه نقدر نمشي{ حط يدو على صدرو} هذااا ليك نتي مالحتى حد من غيرك ، والحمد لله لي ربي رزقني زوجة صالحة بحالك.
يتبع...
