_سهم الغرام_♟️🫀
_ب_: 120
غفران مبقاتش قادرة توقف على رجليها محسات براسها تاسخفات وجات فلارض تاج دين مشا ليها كيجري بزربة وشدها بين يدو وهزها وهو يوقف عليه نفس راجل.
رجل: ايييه سيبا حط سيدة !
تاج دين كيدوي وهو خايف على غفران ومغدد عليه: حيد من قدامي باش مغنحطهاش ونجي نتكي لمك فوجهك حييييد.
حيد من قدامو ومشا بغفران لطونوبيل بقا كيقيس تنفس ديالها وكيشوف اش عرفها سخفات قادها فلبلاصة وكسيرا بزربة بطونوبيل ، حبسات طونوبيل قدام باب لعمارة لي عندو فيها برطمة خاصة بيه تم غادي هازها تالسانسور طلع وضغط على زر حبس سانسور ونزل وهو باقي هازها بشوية جبد ساروت معافر معاه وبدا كيحل فلباب حلها دخل غفران لصالون حطها وولا رجع حيد ساروت من لباب وسدها ودخل لحداها كيفيقها مبغاتش تفيق مشا جاب قرعة ديال لما كيرش عليها بشوية بشوية بدات كتفيق بدات كتهضر.
غفران: علاش خلاني علاش خاني.
تاج دين شد ليها فيدها وزير عليها: عمرني درتها وعمرني غنديرها وقع غلط اغفران وقع غلط انا كنبغيييك.
غفران عاد عاقت براسها وجلسات:
اش كدير نتاا فين انااا فين جبتيني.
تاج دين: تهدني اغفران سخفتي وجبتك معايا غير رتاحي مغنآديكش.
غفران: ياك خنتيني وطلقتيني ودبا علاش جايبني لهنااا!
تاج دين: تهدني اغفران تهدني .
غفران بدات كتعطس: بغيت نمشي بحالي.
تاج دين ناض واقف: هانتي مرضتي دبا اش ندير!
غفران: بعد من طريقي وصافي.
تاج دين لقدرتي تخرجي خرجي مغنخليكش تخرجي على لاقل تاتسمعي ليا.
غفران: مكيهمنيش.
تاج دين: ايوا هانتي هنا مغنحلهاش.
غفران: ايوا صافي حتى انا مرتاحة غنبقا هنا .
تاج دين: ديكشي لي بغيت انا ابلارتي.
غفران: كون هاني متقربش ليا اخويا دبا راك ماشي راجلي .
تاج دين: خويا!!! غفران تعاوديها منعقلش عليك من لخر.
يتبع...
