_سهم الغرام_♟️🫀
_ب_: 130
دخل تاج دين وجلس فراس ديال صالون مع رجال وعينو كضور فصالون ولعيالات كيديو ويتحدتو ويضحكو وغفران مولاتش هبطات ، وهو تخلع عليها ملي حسها مولاش تسمع ومولاتش هبطات .
غفران لفوق جلسات كتبكي وتعاود تبكي طلات لقاتو واقف ومتكي على طونوبيل سدات سرجم ورجعات لبلاصتها مسحات داك لمكياج وشعرها جمعاتو ولبسات قبية فلغوز وسروال ديالها فلاسود ديال دار وكاب فلاسود من لفوق وتقاشر فلبيض وبانطوفة فلغوز . جات كيوت وكريشتها لي مكتبانش بزاف رشات لبارفان ديالها وهبطات لتحت دخلات عندهم تاج دين لي بقاو عينيه عليها ملي حس غتشوف ضور وجهو وكأنه ولا كيكرها .
جلسات معاهم كدوي هي وياهم وكتلوح عينها لتاج دين لي كيدوي مع رجال وداير راسو ممسوقش ليها .
غفران: اجي عندي الغزيولة اجي اجي.
ناضت بنيتة صغيورة عند غفران كضحك معاها هزاتها فيدها كتبوس فيها وتلعب معاها وتاج دين حاضيها كيشوف كيفاش كتلعب معاها.
غفران: فين هي لغزيولة نتييي هههه كتبوسها ، فين هي لحليوة وشكيليطة امم نتيي هههه كتبوسها، اممم شكون هنا سميتها فدوى انتي ههه ، شكون لي زوينة وغزالة امم نتي ههه .
تاج دين حاضيها بحركاتها وبعفويتها وحبها لديك لبنيتة وكتلعب معاها غفران هزات لبنية عندها بجهد تاضراتها كرشها حطاتها للام ديالها وشدات على كرشها.
غفران : ايي كرشييييس.
تاج دين ناض من وسطهم بزربة: غفران اش كاين كضرك يالله نمشيو لطبيب اش كتسايني نوضي غفران.
غفران شادة على كرشها: مكاين لاش ايييي دبا وهو فاتني .
تاج دين: يالله نديك اغفران علاش راسك قاصح علاش يالله .
غفران حسات بلحريق زاد جهاد عليها ناضت شد ليها فيدها وهي معمدة عليه وغادية غير بشوية وهي كتحس بكرشها كضرها بزاف خرجو وهو يدير ليها لقب ديال لقبية باش ميضربهاش لبرد وطلعها فطونوبيل ومشا بزربة ركب ولموت ديال لبرد .
تم غادي يالله غيكسيري وهي تشد ليه فيديه وضاغطة على فمها : تاج دين غير بشوية راه كرشي كضرني بزاف.
تاج دين: اوك احبيبتي غير صبري بشوية غنوصلو وزايدون نتي عارفة راسك حاملة وهازة لبنت واش نوغمال.
غفران: عت عتقني وسكت ماشي وقتك دبا اتاج.
تم غادي بشوية تاوصلو لسبيطار ونزلو تمو داخلين وهو شاد فيها بشوية بشوية وصلو لعند طبيبة دخلها .
طبيبة: خرج خاصني نفحصها.
تاج دين: انا راجلها عادي.
غفران: صافي غير خليه وشوفي اش ديري معاياااااا ايييييي كنتقطع.
مشا تاج دين شد ليها فيدها وهي تشوف فيها بدات كتفحصها ضربات ليها ابرة ديال لمهدئات وخلاتها ترتاح .
طبيبة: تعصبات بزاف وزادت هزات شيحاجة شوية تقيلة شي لي اتر عليها الحمد لله على سلامتها ومن لاحسن تبعد من لاعصاب.
تاج دين: اه واخة.
يتبع...
