_سهم الغرام_♟️🫀
_ب_: 62
_فعيني شفت بزاف بلحق قلبي فيه غير نتي_
هبطات مونة جلسات معاهم كتلوح عينيها على غفران طلعها وتهبطها ورفيعة حاضياها وعارفة سمها واش كيدير فيها سمعو دقان فلباب وهي تمشي تهز زيف وهي تنترو ليها وتبسمات.
مونة: مكاين لاش غير لوسك وجدك و اب راجلك اش فيها وراجل ختك عادي .
غفران نتراتو ليها ودارتو : لا اختي لنتي عندك عادي انا راجلي موصيني .
دارتو ورفيعة تبسمات وعجباتها غفران فيها.
تاتمو داخلين لقاو سلام وجلسو غفران جلسات وهو يهبط تاج دين جلس وبداو كيدويو ويتهاودو مع بعضياتهم تاناضت رفيعة وكوثر تجيب لعشا غفران بقات ساهية فتاج دين حتى لقاتو غمزها وهي تجمع راسها .
دازت ليلة عادية كيف كل ليالي لي فيها لحباب نعسو بلحق وحدة لي بالها كيبني ويريب خايفة وكتقول نديرها منديرهاش بلحق قلبها ونفسها غلبو عليها وحلفات متمشي تاتوصلها.
صبح صباح وعند دار لحاج ميلود لي ليلة مكاينش فيها لفجر كيودن فاقو توضاو وصلاو وهي توقف بهية وتبسمات.
بهية: ختي الله يكون معاكم وهاد ساعة غنخليكوم راك عارفة خاصني نرجع لدار اختي مي هاهية غتبقا معاك انا غدي نرجع راك عارفة لبنت لولة مشات وانا وسوسن خاصنا لحقو.
رحمة: وباقي لحال الحبيبة مزال.
بهية: لا اختي ولابد نمشيو.
ناضت هزات باليزتها توادعات معاهم وقصدو طريقهم وقبل دازو لدار عند تاج دين وغفران دقو وهي تحل عليهم نصيرة لي كانت فايقة.
نصيرة كتسلم: مرحبا بيكم دخلو دخلو.
بهية: جينا غير نسلمو على غفران ونودعوها كي شتي ليلة نشدو طريق .
نصيرة: الله يوصلكم على خير زيدو الحبيبات زيدو.
هبطات مونة غسلات وجها فلكوزينة ودخلات عندهم .
مونة: صباح لخير .
سوسن: صباح نور.
تجمعو كلهم بعدما فاقو من نعاس وبداو كيفطرو رجال بوحدهم ولعيالات بوحدهم تاناضت كوثر عند بنتها لي فاقت ورفيعة مشات تصلي صبح هي وزهرة ونصيرة ، مونة فطرات وطلعات بقات غير غفران وبهية وسوسن جالسين كيفطرو تاسمعات تاج دين كيعيط ليها مشات عندو تتكلم ليه ، بهية لي جبدات قرعة صغيرة فيها واحد لما فلاسود وقطراتو فكاس غفران وسوسن شافتها ومتسوقاتش حيث لدوات غير غتسخط عليها .
غفران: اشنوو!
تاج دين: وجدي راسك بعدما تفطري خاصنا نمشيو لكنازة.
غفران: اه واخة نمشي .
تاج دين: اوك الله يرضي عليك ابلارتي جبد ليها حناكها بضحكة.
يتبع...
