_سهم الغرام_♟️🫀
_ب_: 93
طاحت فلارض ودمها جاري فطريق وقفو كيشوفو مصدومات معارفين اش يديرو رفيعة يديها بردو عليها معرفات اش تقول ولا اش دير ونصيرة حتى هي وهي تغوت مولات لكاسكيط: اناا اش درت قتلتها يااك قتلتهاااااااا .
لعمة من لبعيد عيطات على لبوليس ولومبيلونص يجيو
ناضت غفران كتنفض فكسوتها وحتى هي مصدومة .
غفران: تزكلت من لموت وانااري كنتي باغيا تقتليني ياك بغيتي تقتليني هانتي ضربتي صاحبتك .
جوج بنات هربو بحالهم اما لعمة باقية كتفرج من بعيد فهاد شي وخايفة يجبدو سميتها ولبنت لي جات فيها ضربة هي ديك مولات لمسكة ، جات سطافيط ولبوليس طلعوهم كلهم بصيكانهم بكولشي ولبنت هزاتها لومبيلونص داتها .
غفران كتبكي : تخنقت اخالتي راه حنايا مدرنا والو مدرنا والو
واحد لبوليسي ملي ركبات غفران وهو كيشوف فيها وفحركاتها ورفيعة مخنزرة فيه كارهاه كيفاش كيشوف .
لبوليسي: واش نحل ليك سرجم ايلا حسيتي براسك تخنقتي.
رفيعة: لا اشاف شكرا.
لبوليسي خنزر فيها: مداويش معاك.
رفيعة: ولكن داوي مع مرت خويا جمع راسك الله يرضي على لي بحالك يحساب ليك بوليسي غضسر راه لي عندو سيدو عندو لالاه.
لبولسي: جمعي راسك راه غنخرج عليك.
رفيعة: عود راسك ايما تبقا كتشوف فيها وايما نسكت وجمع راسك راجلها مكيبغيش مكتشوفهاش ملمة كي سداري.
غفران: رفيعة صافي اختي صافي .
بقات غادية بيهم سطافيط تاحبسات قدام لمركز ديال شرطة .
يتبع...
