_سهم الغرام_♟️🫀
_ب_: 73
لكنني تخطيت معكَ مرحلة البدايات والاعجاب
الأمر أكثر تعقيداً..
شيء يفوق الحب بكثير
شيء يشبه الإدمان.
بدا لفقيه كيقرا عليها شوية بدات كتحس بترويعة طالعة هو كيقرا وهي بدات كترد كترد وديكشي كحل كتردوو وهو غير مكيزيد يقرا تاج دين تصدم حدو وقف بغا يدوي ولا شي حاجة ولا رجع جلس شد فراسو وهو مقادرش يشوفها فديك لحالة كتعذب .
اما لتحت كانو مجموعين ومتوترين كلهم خايفين وكيدعيو فلي كان سبابها فعذابها.
مغنية: ملي بنتنا كتعذب بغيت نقول ليكم شكون سبابها .
رحمة: وشكون اخالتي شكون اتيناا!
زهرة: شكون اخويتي شكوون!
مغنية: لحاجة حبيبة سمحي ليا نتي فوق راسي بلحق بنتك بهية هي سبب .
كلهم تصدمو من جوابها شوية بداو كيفكرو تا بدات تعطيهم دليل مغنية وتوضح ليهم كولشي .
حبيبة: اويلي على لمسخووطة بقات ليها غير بنت ختهاااا.
رحمة كتبكي: حشوومة عليهاااا حشومة حشومة.
مغنية: تانزيدو نتأكدو على فمها دبا عيطو ليها باش تجي ضروري وغدي تقول لينا هي بسيف عليها.
زهرة كتمسح دموعها بطرف زيفها: الله ياربي وعلاش تديرلي فكبدتي هكذا علاش!
لحاج ميلود: تهدنوو تانشوفو ويوضاح لومور ونهضرو.
عبد رحمان: اييه كيما قال خويا لتسرعوشاي تاتجي.
جبدات حبيبة تيليفون ديالها وصونات ليها.
حبيبة: اييه ابنتي اجي لابد متجي واغير اجي ونقولو ليك اش واقع اييه الله يرضي عليك صافي واجي . قطعات عليها وشافت فيهم . قالت ليا مع تسعود دليل تكون هنا.
رحمة : ياربي متكونش هي حيث غدي نكرها اميي وسامحي ليا.
حبيبة: علاه انا ندوزها ليها لكانت هي اذاتها انا ساخطة عليها.
زهرة: لالاااا عفا لحاجة سخط لااا.
عيشة: لا اخالتي متسخطيش عليها.
دازت تلاثة ديال سوايع وهو باقي كيقرا ولاجواب على شنو حتى لشوية حبس لفقيه وشاف فيها سخفانة بقوة ردان لي ردات بدات كتبكي.
غفران: حشومة عليهم يديرو فيا هكذاا ياربي ، حسبي الله ونعم الوكيل.
هز لفقيه داك لبانيو لي كحل ولاحو فدوش وكب وراه لما وجا وقف عليها .
لفقيه: الحمد لله على سلامتك ابنتي دبا غتولي مزيان ، شي عشوب غنعطيهم ليك يشريوهم ليك شربيهم لمدة تلاتة ايام وتولي مزيانة الحمد لله لي مطولش فيك اما كون مقدرناش نعتقوك ابنتي.
غفران: الحمد لله.
خرج لفقيه وتاج دين ناض ومشا عند غفران شاف فيها وهي تعلي عينيها فيه جرها عندو وعنقها بجهد وبقا شادها وهي بدات كتبكي تاهمس ليها تاج دين فودنها.
تاج دين: حشومة عليهم بغاو يفرقونا.
غفران: امم.
تاج دين بعد عليها ومسح ليها دموعها: صاف متبكيش دبا رتاحي ليك شوية .
يتبع...
