_سهم الغرام_♟️🫀
_ب_: 69
_لو جمعت نساء الكون كلها لما وصلت حتى غمازة من غمازاتكي_
جالسين كلهم مجموعين حتى ناض تاج دين وخرج لقدام باب دار جبد تاني تيليفون ديالو بدا كيصوني كيعطيه طافي تعصب معرف علامن غيصوني معرف اش يدير كيتسنا غير ايمتا يصبح صباح تلفات بيه حشم يعيط لزهرة فهاد ليل تم داخل وهي تخرج معاه واحد لبنت من بنات عم نور دين لابسة سروال فلبيض وتيشورط فلاسود نص فصدرها كيبان وشعرها لقصير حد ودنيها تبسمات ليه.
لبنت: شتك مشغول واش نعاونك فشي حاجة.
تاج دين حذر عينيه: لا شكرا اختي.
دخل وجلس وهي دخل وتجلس قدامو حطو لعشا وبداو كيتعشاو فينما يعلي عينو كيلقاها كتشوف فيه جمعو طبلة وبداو كيجيبو فلفراش باش يفرشو بقا غير هو فصالون حيث هشام خرج يكمي وهي تم داخلة عندو حطات لغطا وشافت فيه.
لبنت تبسمات وقربات ليه: هاني جبت ليك باش تسخن بعدا منسيتكش.
تاج دين عينو على تيليفونو معطاهاش وقت تالقا يدها تحطات على يدو ونتر يدو بزربة: اش باغيا دبا !
لبنت: سميتي نهاد الغزال غير عجبتيني وصافي بانتي ليا هنا وليتي من لعائلة قلت علاش لا لي منتعارفوش و..
تاج دين ناض: ختي عندي مرتي انا مزوج.
لبنت ناضت : علاه شرع معطاش 4 هه !
تاج دين: هاد ساعة غير هي وصداعها فيها 8 خليني معاك مزيان وغيريها .
لبنت: وليني راك زوين وقاصح سعداتها بيك .
تاج دين خرج وهضر مع راسو: قولي سعداتي بيها انا حيث لقيت وحدة بحالها.
لقا هشام واقف كيشوف ويتبرد وقف حداه وهو يشوف فيه.
هشام: يالله هضرت مع لمدام راهية نعسات دبا ههه ونتا شتك مدويتي معاها موالو ياكما هامل مرتك!
تاج دين : لا دويت معاها قبيلة.
هشام: اسيدي مزيان خاصنا غذا نمشيو بكري حيث خاصني نمشي مع مرتي لعند طبيب نشوفو جنس لجنين.
تاج دين تبسم: الله يكمل عليكم بلخير.
هشام: امين لعقبا ليك بشي ولد ولا بنت ان شاء الله.
تاج دين تبسم وهو كيتخايل راسو اب: ان شاء الله.
هشام: يالله ندخلو .
دخلو لدار وتكاو فلبلاصة لي فرشو ليهم حتى سمع صوت تيليفون كيصوني ناض بزربة لقاها نمرة عمرها صونات ليه جاوب بزربة وهو خارج لباب دار .
تاج دين: شكون معايا.
اسية: خويا تاج دين متخافش هادي غير انا اسية بنت عمة غفران.
تاج دين خاف وفشلو عليه ركابيه: ياك لاباس اختي ياكما غفران عندها شي حاجة ولا نتوما اش واقع!
اسية بصوت هامس: لالا اخويا انا خليت تانعسات لميمة وصونيت ليك هزيت نمرتك عارفاك دبا غتكون مشطون على غفران.
تاج دين: اه وبزااف واش هي حداك دوزيها ليا .
اسية: لا هي راهية فبيتها ناعسة اخويا
تاج دين: غذا ان شاء الله غنجي لعندكم ممكن تصوريها ليا.
اسية: امم واخة شوية ونصردها ليك فهاد نمرة بغيت نقولك اجي سعا قلتي بلي غتجي.
تاج دين: ضاروري مرتي ماليها مكان من غير لمكان لي انا فيه.
قطعات عليه ومشات لبيت غفران صوراتها بعدما قادات ليها شعرها بطريقة زوينة وصرداتها ليه وصلاتو تبسم وشاف تصويرة مشا لبلاصتو كيشوف فيها تاغفا وداتو عينو على صورتها .
#وماااا الحب الا بداية العذاب.
يتبع...
