_سهم الغرام
_ب_: 28
نصبو لغذا وغسلو لماعن خملو دار وجلسو
نور لي فيها مهناها ناضت جابت واحد لباف محد رجالا والو ، طلقات فيه لغنا وبدات كتشطح وهي غفران حيدات زيف على شعرها ودارتو فخصرها لاحت داك لكاب وطلقات شعرها وبدات كتشطح ولخرين كيصفقو ليها فطبلة ويضحكو تاكيبان ليها لحاج ميلود وتاج دين واقفين فباب صالون معرفات اش دير حدها تصدمات وجلسات جمدات اما تاج دين بدا كيضحك .
لحاج ميلود قلب لموضوع بحالا مشاف والو : لحاجة كاين شي غذا ولا والو شت تاج دايز وانا نحلف وهو يحلف عرضت عليه ليوم يتغذا معانا .
زهرة: اييه اميمتي ومرحبا بوليدي ونسيبنا وتاج رويستنا مرحبا احنيني زيد اولدي مرحبا .
تاج دين عينو على غفران لي حشمانة : ترحب بيك جنة اميمتي .
زهرة ناضت: اجيو معايا اوليدي اجيو عفاا لصالون لاخر .
تاج دين : اه واخة قبل بعدا الله يكبر بيك اميمتي لحمام.
زهرة: اييه هاهو.
لحاج ميلود : جلس اوليدي نخفف عليا حوايجي وانا معاك .
مشات زهرة توجد مع رحمة فلكوزينة اما غفران خرجات كتسلت باش طلع لبيتها علاما يمشي حتى لقاتو شدها دخلها معاه لحمام وسد لباب غفران كتشوف فيه وهي مصدومة اش كيدير هذا .
تاج دين: اش ديك لحالة !
مرام: ءء اينا حالة.
تاج دين: قلنا عادي حيث انا وكون دخل شي حد اخر اش كنا غنديرو امم.
مرام : وانسيت.
تاج دين: اشمن نسيتي هاد لمرة عادي ولمرة جاية غنتفاهمو ودبا خرجي .
مرام يالله غتحل لباب وهي تتفكر بلي هاد لباب لتسد من لداخل خاص تايجي شي حد يحلو عليك من برا وهي ضور تشوف فيه وهي مصدومة ومعارفة اش تقول ليه هو حدو كيشوف اش باغية تقول .
غفران: اويلي اتاج دين .
تاج دين تخلع معرف مالها: اش كاين!
غفران: لباب لباب تسدات علينا .
تاج دين: ومن بعد!
