_سهم الغرام_♟️🫀
ب: 30
يرحم ذيك ليام قلب ماينساها
المحبة ولمة زينة والقناعة
قصص وحكايات زمان محلاها
كي نتفكرها في عيني تقول وين راها
ياحصراه القهوى بنتها في فمي محلاها
طابت على لجمار ودخان في العين زاد في حلاها
ياحصراه على جدك وجديا حكايات وروبا
حبة البطاطا في وسط جمر عندها حكاية
ياحصراه على ذيك ليام وليالي الزينة
مايجيك نعاس حتى تسمع قصة وحكايا
كان الحب والحنان مزروعة وزيد الرحمة
الله يرحم ذيك ليام القلب ماينساها.
ناض تاج دين ونوض غفران حداه وتم غادي لصالون جلس ولقا شلال من لفضة [غلاي وصينيتو كيغسلو فيهم يديهم] جلس وهي تجي زهرة مدات ليه غسل يدو ومشات تجيب لماكلة ، شوية تم داخل اخ غفران وعمها وولد عمها تسالمو وجلسو كيدويو مع بعضياتهم تاتمات رحمة وزهرة جايين وحدة حطات لغذا ولخرا جابت لخبز داو شلال ومشاو ، غفران لي كتسمع حديتهم وصوت ضحكتهم دازت من حدا صالون بتثاقل كيبان ليها تاج دين تبسمات وهي كتشوف فراجلها كيدوي مع خوها وهيبتو وتبسيمتو مع ضور عينيه لمحها وهي تحدر عينيها وتمشي بزربة تادخلات فاسية لي كتموت عليها بضحك.
اسية: واا الله معاك ابنيتي شتك طحتي على خنافرك اويلي رجوع لله بشوية عليك.
غفران: هه علاش!
اسية: دخلي دخلي تغذاي راه امي من قبايلة كتعيط عليك.
غفران: ونتي فين غادية!
اسية: نجيب كاس صغير لبنتي تشرب.
غفران: واخو سيري .
مشات اسية وغفران دخلات لصالون لاخر جلسو وهي تشوف فيها رحمة .
رحمة: وااا لبنت تي شتك حشمانة وو اش تم !
غفران: والو اماما علاش!
زهرة: تي سكتي درك شافت راجلها هاااك على لبنت لي سايرة تقول مابغيتش زواج ايوااا الله يمسخك.
غفران: مقلت انا والو !
مغنية: خليو لبنت تفرح مالكم معاها .
غفران هزات لخبز لي قطعات رقية وبدات كتاكل: ياك راجلي ايوا ديوها فراسكم.
نور: ههه نكرتيني ياالحمارة .
يتبع...
