__سهم الغرام_♟️🫀
_ب_: 27
تاج دين ركب لخاتم لغفران وابتسامتو بينات غمازاتو وهي ركباتو لي وتبسمات صوروهم بقاو شوية وهوما يتمو مدخلين فلعشا اش منك يامحمر وياديسير لحاصول ديكشي ديال لمضخم حطو للعيالات وحدهم ولرجال وحدهم كلاو ملي شبعو كانت وصلت ل10 ديال ليل تمو خارجين توادعو لعيالات بعياهم مشاو غسلو لماعن وفرشو صالون ونعسو ورجال نعسو قبلهم ودازت ليلتهم .
صباح بدا من لفجر عندهم صوت ديك كيصيح وريحة لقهوة معطرة كتشم رجال قصدو جامع صلاو ورجعو لدار لفطور كان محطوط وجالسين لعيالات بوحدهم ورجال بوحدهم ، غفران باقية ناعسة تاسمعات تيليفونها كيصوني جاوبات بلاما تشوف.
غفران بصوت غالب عليه نعاس: الووو.
تاج دين كان كيلبس وخارج : صباح لخير.
غفران ناضت بزربة وجلسات وشعرها مخبل بدات كتحك عينيها: ءء صباح لخير كيف صبحتي.
تاج دين كيحل باب طونوبيل: متقوليش ليا باقة ناعسة.
غفران: امم اه باقة هه.
تاج دين: ايوا مزيان وشكون غيبقا يفيق يوجد ليا لفطور.
غفران تبسمات : هه انا .
تاج دين ركب وسد باب طونوبيل: ياك بعدا متصبحيش ناعسة.
غفران: لا هه.
تاج دين: ايوا مزيان موهيم دبا نخليك غنمشي نخدم من بعد ونهضرو.
غفران: اه نيت غنوض نفطر راه كولشي فصالون.
تاج دين : لبسي عليك حوايجك وزيفك على راسك فطري الله يرضي عليك من بعد ملي يمشيو رجال نتي ديك ساعة بغيتي تحيدي حيدي.
غفران: مكاين حد براني وزايدون غير حنا.
تاج دين: دبا كملنا من هاد لهضرة حيث صاف وليتي ليا وماشي ليهم ودبا ديري اش قلت ليك.
غفران: اه واخة .
قطع عليها ناضت دارت زيف ولبسات بيجامة فلغوز طويلة بلا يدين لاحت عليها كاب وهبطات لقات رجال كل واحد فين شد جلسات معاهم كتفرق فلغا .
يتبع...
