_سهم الغرام_♟️🫀
_ب_: 52
فطرات غفران وهبطات بصلاة وسلام ركبات فطونوبيل وكسيرات نور بلبنات لعند لكوافورة لي شادين موعد عندها وصلو ودخلو .
#احتراما للاوضاع البنات ديال زلزال وراكوم عارفين غنختاصرو لعرس# .
دازت ليلة لعرس بفرحها وغناها ونشاطها عروستنا كملات ومشات هي وتاج دين لشقة خاصة ومرت ليلتهم بحلاوتها كيف اي ازواج عطاتو جسدها وعطاها حياتو .
صباح صباح ناض تاج دين دوش وصلا صبح ومشا لعند غفران كيفيقها.
تاج دين ضاحك: لبلارة ديالي فيقي .
غفران كتحك عينيها: شحال ساعة!
تاج دين: دبا راهية ل 11.
غفران ناضت هبطات تيشورط على شورط: ندوش ونصلي ونوجد لفطور .
تاج دين تكا فناموسية بعدما قادها: واخة على راحتك.
دوشات وتوضات وخرجات لابسة حيث كتحشم لبسات بيجامة طويلة فلزرق وشعرها جمعاتو ومشات كتوجد لفطور حطات على طبلة وجلسات وجا جلس حتى تاج دين.
تاج دين كياكل: غفران بغيت نهضر معاك فشي حاجة باش نشوف رأيك.
غفران تبسمات: كنسمع ليك.
تاج دين: هاد دار ديالي مخليها اما راك عارفة دبا عايش مع واليديا ياك موهيم لي نقول ليك واش تقدري تعيشي مع واليديا .
غفران تبسمات: قادرة نعيش معاهم بحال واليديا نيت يونسوني ملي متكونش وماما نصيرة فبلاصة ماما رحمة وامي زهرة متخافش .
تاج دين شد ليها يدها: واعديني باش لي اذاك بشي حاجة تقوليها ليا.
غفران بلعات ريقها: كنواعدك .
تاج دين: ودبا مزيان ابلارتي .
فدار لحاج ميلود لي صابحين كيفطرو ويعاودو على اش وقع فلعرس وعلى فرحتهم وكيف دازت تاوقفات زهرة عليهم.
زهرة: نوضو وجدو جلابيتكم ويالله راحنا معروضين لعند لحاج محمد لغذا وقهوة لعشية ودغيا.
رحمة: اييه مشات من بالي .
زهرة: جمعو ابنياتي دوك لميعنات الله يفاجيها عليكم .
رحمة: اييه جمعوهم ابنتي .
يتبع...
