_سهم الغرام_♟️🫀
_ب_: 26
_اما ان تزهرين بجانبي او اقتلع لك الجذور_
خلاوهم جالسين وعلى اتاي ولحديث مفاهمين وطلعات هي فلول وهو تابعها وعينيه فلارض منحدو باقي معطا كلمتو دخلو لصالون وجلسو وهو ينطق وعينو فعينها.
تاج دين: ابنت ناس عندي شروط لي يتفرضو عليك كيفما نتي شروطك تاج من فوق راسي .
غفران: اه عندك لحق.
تاج دين: اول حاجة ابنت ناس ، من بين شروطي هي زيفك يغطي شعرك وكلامك ياعلا فوت باب دارك ملي يكون معانا لغاشي لبسي حوايجك وعطي تيقارك وملي يمشيو من حقك فبيتك وفدارك تلبسي لي يحلالك هاذو شروطي ابنت ناس حيث انا مغيار وحاجتي منبغي حد يعلي فيها عينو.
غفران[تبسمات]: شروطك مقبولة اولد ناس غير هو من شروطي هو تكون عادل ولكلام ولمخاصمة ماتبني حيط بيناتنا وتقطع حبال لود ديالنا ، هادو هوما شروطي .
تاج دين[تبسم]: انا قابل وكيف قلت ليك غتكوني تاج فوق راسي وعمر لحيط يعلا عليك حيث بكتافي نهدمو ، ودبا ملي ويلتي ليا وقابلة عليا عطيني رقم تيليفونك .
غفران: اه قيد .
عطاتو رقمها وهبطو لتحت رجعو لمكانهم وابتسامتو على وجهو مزيناه واما غفران حسات بلي غتاخذ راجل وسيد رجال كلامو رزين ووحبلو لمتين وغيرتو لفايتة لحدود.
لحاج ميلود : ايوا اش قلتي ابنتي !
غفران: قابلة .
لحاج محمد: اسيدي مبارك ومسعود .
زغرتو لعيالات اما بهية ومونة طاحت فيهم لكلمة بسم هبطات .
نصيرة: لالة رحمة جيبو لخويتمات يركبوهم .
رحمة: اييه عندك لحق سيري انور بنتي مديهم ليا .
نور: واخة .
تاج دين[تبسم وبصوتو لغليض نطق]: احم بنسبة لموعد لعرس غيكون بعد سيمانة مكابن لاش نطولو بزاف.
لحاج ميلود : لواه اولدي راه باقي الحال شوية وديروه على لاقل غير شهر.
تاج دين: لحاج مكاين لاش كولشي كاين وموجود يعني مكاين علاش غنبقاو نطولو فليام.
رشيد: اش نقولك اولدي لي بغيتيها هي لي تكون ودبا ري ريك وشوار شوارك.
تاج دين[شاف فغفران لي ساهية وشد ليها يدها قدامهم وهي حشمات]: اش قلتي نتي!
غفران: ءء لي بغيتو .
تاج دين: الله يكمل علينا بلخير وان شاء الله سيمانة جاية يكون لعرس.
لحاج ميلود : ماقلتي عيب اولدي الله يتاويكم للخير.
مدو ليهم لخواتم ركبوهم وشربوهم لحليب.
يتبع...
