_سهم الغرام_♟️🫀
_ب_: 8
فوسط دار كبيرة ، مجموعين وجالسين كيتحدثو تاتم داخل شاب كتاف عراض وغير خلفتو تسوا ذهب تحسينتو لمواتية وجهو وعينيه لي يبينو شهامتو باس للام ديالو راسها وللاب ديالو راسو لقا سلام على مرت خوه لي جالسة وجلس .
تاج دين[طلق يدو على لوسادة وتكا ]: ايوا اش تم الوليد .
لحاج محمد: عندي ليك خبار يفرحك اولدي.
تاج دين[تبسم وجلس نيشان]: كلامك فوق راسي الوليد فرحني .
لحاج محمد: لقيت ليك بنت ناس لي تواتيك وتجي ليك على قد فصالتك اولدي .
تاج دين[بلاما يسول ولا يتسول دخل نيشان فلموضوع]: ايمتا نمشيو نقصدوهم.
لحاج محمد: هه مزروب اولدي هه ان شاء الله سيمانة جاية نقصدو دارهم .
تاج دين: ان شاء الله .
نصيرة[لام]: الله يكمل عليك بلخير اولدي.
تاج دين[باس راسها]: امين الوليدة الله يخليك ليا.
مونة[زوجة لاخ ، شابة ف25 من عمرها طالقة شعرها ولابسة بيجامة بسروالها وصدرها تقريبا نصو كيبان عندها عادي حيث فدار ]: الله يكمل عليك بلخير اخويا هي نبداو نوجدو لقفاطن .
تاج دين[حدر راسو]: ايلا كتب الله اختي [ناض] لوليدة انا غنطلع للبيت ديالي بلاتي وعاد غنخرج حيث عندي واحد لغرض.
نصيرة: اييه اولدي الله يرضي عليك سير.
تاج دين: لجا يوسف قولي ليه راني فلبيت .
نصيرة: وخا اولدي.
مونة[زوجة يوسف]: راه قال ليا شوية ويجي .
مجاوبهاش كمل على طريقو لبيتو دخل وحل لباب مشا لدوش دوش وحيد عليه لعيا ديال لخدمة ، خرج لبس عباءتو لبيضة وتريح جبد من لماريو صلاية فرشها وقام صلاتو فاتو لعصر اذنات عليه فطريقو لدار ودبا قريب لمغرب . كمل صلاتو حيد سجادتو وجبد لمصحف من لمجر وبدا كيقرا فيه ويجود بعض لاجزاء حط لمصحف فبلاصتو وحيد لعباءة بقا غير بشورط وتكا فبلاصتو .
ايوا هذا هو عريس لغفلة مزال نعيشو معاه.
يتبع...
