_سهم الغرام_♟️🫀
_ب_: 128
ما عادَ قلبي للخيباتِ يحتَمِلُ
غادر فقد خابَ فيك الظَنُ والأمَلُ
وهوما جالسين فصالون [نوفل ولحاج ميلود ولحاج محمد ورشيد ومحسن وتاج دين لي يالله جا ورفيعة وامينة وكوثر وزهرة وحبيبة ونصيرة وبهية ورحمة ].
بقاو كيدويو وتاج دين عينو على باب صالون كان لابس سروال فلاسود تينجز وقبية فلبيض وصبادرين فلبيض وحسن شعرو لي بان وطراسا لحية وخاتمو ديال زواج لي حالف ميحيدو وساعتو سوداء
تاسمعو صوت طونوبيلات غفران بدات كطل من لفوق وهي تمد ليها سوسن تيليفون.
سوسن: صوري اختي صوري هههه.
غفران: هيهاي من قبيلة وهي قايساك ساكتة دبا عاد اري اري.
بدات غفران كتصور كان شاب طويل وشوية ضعيف عندو لحية لابس شوميز فلبيض وسروال توب فلاسود هاز لورد ومن وراه 5 ديال لعيالات و 5 ديال لولاد و 3 ديال لبنات و 3 ديال رجال تمو داخلين وهازين شي طاغط وبزاف ديال لحوايج ودخلو حلات عليهم بهية وزهرة ولحاج ميلود .
رحبو بيهم تادخلوو لصالون تاج دين فاش لعيالات بداو يمدو فيديهم هو كيقول ليهم سمحو ليا مكنسلمش ورفيعة من جنبو كتقول فنفسها "اييه عليها درتيها قد راسك ايوا الله يمسخك" .
جلسو كلهم وتاج دين كيساين فغفران تبان ليه ومباغيهاش بلاصح تجي عندهم حيث صالون عمر وتخلط بقاو جالسين تانطقات ام شاب.
زبيدة: لحاج ولحاجة ليوم جينا وجبنا فيدينا صوابنا وحليبنا بغينا نتناسبو معاكم وتوليو حبابنا وديالنا ولدنا جا طالب وراغب وباغي يد بنتكم لمصونة سوسن على سنة الله ورسوله .
بهية: مرحبا بيكم احبيبتي وحنايا شوار للبنية ولكانو مفاهمين ماعلينا غير نقولو مبروك .
زبيدة: ديكشي لي كاين بلحق باقي مشتها.
تمات داخلة غفران لي عينين تاج دين طلعوها من رجليها وقفو فشعرها وفعكرها لي دايرة فيقو من سهوتو صوت زبيدة.
زبيدة: تبااارك الله غزااالة ياه يوليدي ختاريتي وعرفتي اش تختااار الله ياربي.
نطق تاج دين لي طلعات معاه سخونية: لا هادي راه مراتي اشريفة.
زبيدة: اويلي اوليدي وسمح ليا مكانش يحساب ليا .
غفران: ماشي مشكل عادي [ شافت فتاج دبن وخنزرات فيه مزيان وجلسات فاص معاه].
تاج دين خنزر فيها كون جبر ينوض ويحيد ليها داك شعر من بلاصتو ويوريها كيفاش تعريه .
تمات داخلة سوسن وهي تنوض ليها غفران من لبلاصة وهي تجرها رفيعة ودارت ليها بلاصة حدا تاج دين بلعاني .
زبيدة:امم تبارك الله زوينة.
سوسن سلمات عليهم وجلسات فبلاصة غفران لي قريبة لزبيدة وهي مبتاسمة .
بهية: بنتي لولد جا يطلب زواج منك واش نتي قابلة!
سوسن: اه.
زهرة: ايوااا مبارك ومسعود ابنتي.
بداو كيزغرتو فرحانين نوضو سوسن واسماعيل يدويو ويزيدو يتافقو كتر وهوما بقاو جالسين.
تاج دين كيهمس فودن غفران: دبا لمك نوريك على هاد شعر وهاد لحالة لي فوجهك.
غفران: امم خلعتيني بصفتك اش فحياتي!
تاج دين: كولشي حياتك ديالي بوحدي
غفران: مشغلكش فيا.
تاج دين: والله لدوزتها ليك .
غفران: مخيفاش .
تاج دين : نوضي قدامي لبيت بغيت ندوي معاك ولا والله تانشوهك هنا راكي عارفاني نديرها.
غفران: لاء منايضاش.
تاج دين:غفران راني غندوي نوضي بصواب زعما .
غفران: دقيقة منفوتهاش معاك.
ناضت خرجات وهو ناض تابعها تادخلات لبيتها وهو دخل وسد لباب.
يتبع...
Banat BLA manwasikom vote WO comments darori ahbibati
PS: rah Kayna wahad 9issa kamla makmola kanatsana hadi tsali hit Katiba kathot bchwiya bchwiya WO nhot lakhra makana9daech nhot JOJ WO nkamal kandokh😂Ila mal9itch Za3ma had 9issa NASS baghinha WO kicomontiw WO mivotiw BLA mangolikom🙂❤️
