_سهم الغرام_♟️🫀
_ب_: 87
_سعدات لي فعل لخير راه حاصدو ولي فعل شر غيعيش فغلو_
دازت ربعيام من يام الله لجميلة غفران وتاج دين دوزوها فلعروبية فلفيرمة وطبيعة حسو براسهم فهاد لمدة زادو تعرفو على بعضياتهم ولو مدة قصيرة بزاف ليوم يوم الرجوع لدار لي متفاكو مع خدوج ولعربي غير بزز برغيب باش خلاوهم يمشيو مسخاوش بيهم اما عبد الله بقا كيبكي لمحنة دقلبو خلاتو هويع وهبيل على كل واحد كيربي كبدتو وزيد عليها تاج دين لي عمرو خصر ليه خاطرو تحركات طونوبيل قاصدين دار لي فخبارهم راهم جاين . اذان لعصر كيوذن وهوما يالله جاين فطريق.
غفران كتقرا لقرآن باستو وسداتو: فيا جوع اتاج دين.
تاج دين: ياك هه واخة انا نشوف شي بلاصة زوينة ونحبسو نتغذاو تم.
غفران: امم واخة.
تاج دين: اش مشهية !
غفران ضحكات: هه مشهية شي بيتزا تكون بفواكه البحر ووو وشي كلاص بلفريز وصافي.
تاج دين عينو على طريق: صافي .
غفران: اه صافي .
بقاو غادين تابانت ليه واحد ريسطو حبس طونوبيل فلباركينج ونزلو غادين شاد ليها فيدها دخلو وطلبو اش بغاو بدات كتاكل شوية علات عينيها فتاج دين .
غفران: عرفتي تشهيت كون كليت داك سمن .
تاج دين ضحك: هه راهو فطونوبيل تانمشيو لدار وكوليه .
غفران: عجبني بزاف ملي يكمل ليا تقدر تجيب ليا تاني.
تاج دين: ههه غير كوليه ملي يكمل ليك نزيدك نجيب ليك بقرة انا لدار بقاي تحلبيها ديري لبن وسمن كوليه هههه.
غفران خنزرات فيه: كطنز عليا ياك.
تاج دين: ههه لا مكنطنزش عليك غير قلت ليك وصافي.
غفران: امم ويالله صافي كملت .
ناضت غفران سبقاتو لباب مشا خلص ورجع مشاو هو وياها لطونوبيل حركها وكملو طريق لدار ، تاوقفاتو وهي شادة يدها على فمها غير حبس طونوبيل حيدات حزام لامان وخرجات كترد نزل عندها تاج دين كيجري ومعاه قرعة ديال لما.
تاج دين: خوديي واشتي اغفران لكلاص اش دار ليك وشتي وصابحة كتاكلي فداك سمن.
غفران كتغسل فمها: واش تسطيتي ولا شنو ! راه نتا لي كتجري بهاد طونوبيل.
تاج دين: ههه كولشي نتي رديه ليا .
غفران: اه كولشي نردو ليك سوق بشوية مالنا على زربة.
مجاوبهاش حدو طلع ركب تسناها تاطلعات وكسيرا حتى هو بطونوبيل ممسوقش لهضرتها.
فدار لحاج محمد لي درب عامر ولاد صغار ولبيبان محلولين ديال ديور كثرت طونوبيلات حابسين ولغوات ، فلبيت ديالها مقابلة سرجم حاضية طونوبيل ايمتا توصل شعرها لي طالقاه وعينيها لمكحلاهم وعكرها لامع لابسة تيشورط فلغوز وسروال ديالها فنفس لون.
وعينها كدور على درب من لفوق للتحت.
يتبع...
