_سهم الغرام_♟️🫀
_ب_: 64
_لعطيتك يدي باش توقف متنويش تلويها حيث وليت متعود لخسارة وقادر نقلعها من لكتف_
مشات غفران ليها وبدات كتواسي فيها حيدات ليها تيشورط من يديها وخا فديك لحالة كرمو عليها جلسات وضماتها ليها كتواسي فيها.
غفران: صاف اخالتي متبكيش صافي .
لام: وعلااااش لي منبكيش وهي مشات بلاما تعلم ولا ترشم علااااش ابنيتي شويتي كبدتي.
غفران كتبكي: عفاك صافي الله يغفر ليها صاافي كتزيدي غير تحرقيها .
بقات هكذاك معاها تاسمعو بلي جابوها هبطو كلهم شي فدروج وشي فسانسور وكانت اولهم امها لي غير شادين فيها لتسخف غفران بقات غادية تاشدها تاج دين فيدها وعاد عاقت ، هبطو لتحت وقفو كانت فصندوق بكات لام حتى سخفات داوها يدفنوها وتاج دين معاهم خلا غفران معاهم ، دفنوها ورجعو رجال تاج دين عيات فيه لام يجلسو يتغذاو لاكن رفض هو وغفران اشمن غذا لي مسقي بدموع ركبو ورجعو لدار وهو يصوني ليه تيليفون فباب دار.
لبوليسي: يمكن ليك تمشي فين بغيتي حيث تبرأتي من لقضية.
تاج دين قطع عليه وشاف فغفران وتبسم: الحمد لله تبتات انني ماشي انا .
غفران: الحمد لله.
حل باب دار دخل وغفران وراه شاف فيها وعلا ليها وجها: مالكي كتباني ليا عيانة.
غفران: كنت بيخير دبا معرفتش مالي .
تاج دين: واش كضرك شي حاجة ! يالله نمشيو لسبيطار.
غفران تنترات منو: لالا بلاش عادي غير ننعس غرتاح .
تاج دين: ااه واخة وايلا حسيتي بأي حاجة قوليها ليا.
غفران تبسمات: اه .
مونة جاية كتمختر لابسة شورط وتيشورط معاه نص عنقها كيبان وشعرها جامعاه: على سلامتكم .
غفران: الله يسلمك .
تاج دين: فين هي لوليدة!
مونة: راهية فصالون هي ورفيعة .
تاج دين: امم مزيان.
طلع تاج دين وغفران مشات عندهم لقات عليهم سلام عاد تبعاتو حلات باب لبيت وهي تسمعو كيهضر.
تاج دين:الله ياربي لاحول ولا قوة الا بالله العلي العظيم ففف مسكين لا نمشي اخويا ااه نمشي شحال غنبقاو امم صافي.
قطع ضار لقا غفران وراه كتحيد زيف شاف فيها.
تاج دين: غفران خاصني ليلة نمشي.
غفران بتعجب: فين!
تاج دين: صاحبي دار اكسيدون ضاروري نمشي واحد اربع ايام ونجي .
غفران معجبهاش لحال ولكن بينات عادي: خود راحتك غير هو حضي راسك .
تاج دين: معرفتش اش نقول ليك اغفران شد ليها فيدها حيث راني حشما..
غفران نترات يديها منو: غنمشي نبدل حوايجي ونعس شوية باش رتاح ايلا كنتي غتشد طريق سير.
تاج دين: ولكن .. عرف راسو انه بصح خسر معاها مشا هز حوايجو وخرج من لبيت اما غفران دوشات وخرجات لقاتو والو وحتى لباليزة صغيرة عرفاتو غيكون مشا جلسات على ناموسية كتبكي.
غفران كتبكي وضرب فراسها: وااااش هذا رااجل هذااا ملي تزوجنا وهو غير هارب غادي جاااي اش بغيت انا بشي زواااج اناااا مابغيتووووش بغيت نطلقققق.
بقات كتغوت وتعصبات فلخر تكات ونعسات .
يتبع...
