_سهم الغرام_
_ب_: 144
شمس طلعات لسما وطلقات جناحها دفات صغيرها وكبيرها ، وفدرب كترة لمشي ولمجي وصوت زغاريت عاطي من دار لحاج محمد لي ريحة لحسوة كيتعطا من بعيد ، فداخل لكوزينة جالسة نصيرة وزهرة ورحمة ، كيقادو فرفيسة ديال نافسة، لحاج ميلود ومحمد خرجو .
فسبيطار رفيعة كتبدل لغفران لبسات ليها كسوة فلغوز منبتة بحجيرات فلبيض واسعة وجاتها غزالة قادات ليها سوسن مكياج خفيف وزيف فلبيض زينها ولبنية صغيرة لبسو ليها سروال فلغوز وتيشورط فلبيض صغيورين وداروها فايزار مطروز وحطوها .
رفيعة: دبا باش كتحسي.
غفران كتدوي بشوية: بلفرحة وبلعيا.
رفيعة: وراكي عرفتي نعستي من ستة حتى لدابا راهية قريبة لوحدة اصاحبتي ههه
غفران: راه مشالي سوفل ، فين هو تاج دين!
رفيعة: مشا يوصل باباك لخدمة ويجي.
غفران: مزيان.
سوسن: ايي ياختي يحسن عوانكم بانت ليا لولادة صعيبة.
رفيعة: اه بزاااف اختي ولكن ماشي مشكل على قبل هاد لفنيكيشة يدوز كولشي.
سوسن: امم بصح.
يالله وهوما داوين تحلات لباب وتم داخل تاج دين هاز فيدو ساشي ولابس شورط ديال تينز وتيشورط فلاسود وساعتو لي متخطا يدو مقاد حالتو ودخل مشا لغفران باس ليها راسها وشاف فبنتو لي نعسات .
غفران: ودن ليها اتاج.
تاج دين: ودنو ليها فصباح وشافوها نتي كنتي ناعسة الحبيبة.
غفران: امم.
خرجات رفيعة وسوسن باش يمشيو لدار نيت فلعشية غتخرج غفران وغيجيو لعائلة خاصهم يمشيو يوجدو .
تاج دين: كيف بقيتي اعمري دبا باش كتحسي.
غفران: كنحس بلفرحة وذاتي كلها كضرني.
تاج دين: الله يسمح لينا منك.
غفران ضحكات بشوية: امين.
تاج دين جبد من داك ساشي بواط فلحمر وحطها ليها فيدها.
تاج دين: عتابريه كادو بسيط تاتبراي وديك ساعة ختاري بيدك.
غفران: شكرا بزاف احبيبي .
شدات ديك لبواطة حلاتها وهي تلقا كولي ديال ذهب فوسطو حجرة كبيرة فلاخضر وطوانك معاه وكورميط.
غفران: اوو مكانش عليك .
تاج دين: تستاهلي كتر من هاد شي اعمري ، هادو ان شاء الله لبسيهم نهار لعقيقة.
غفران: امم ان شاء الله.
يتبع...
