_سهم الغرام_♟️🫀
_ب_: 37
_وماذا عنكِ ان ضحكتي وان بكيتي وقعت في حبكي_
قبل ميهضر صونا تيليفون ديال غفران وهي تجاوب .
غفران بخوف كبير: شنوووو اينااا واحد دبااا هاني جااااية صااافي . شافت فتاج دين وعينيها عمرو دموع . تاج دين ديني لسبيطار ** ايلا بغيتي عفااك.
تاج دين تخلع معرفش مالها: اش وااقع قولي ليا .حرك طونوبيل متاجه لسبيطار كيشوف فطريق وفيها .قولي ليا مالكيي !
غفران كتبكي وتمسح دموعها: اللهي ياربي عاونووو ياربي.
تاج دين: وقووولي شنووووو !
غفران كتبكي: ولد خويا ضرباتو طونوبيل.
تاج دين بلا حتى كلمة جرها عندو بزربة وعنقها وهي كتبكي وهو كيدعي: متخافيش ان شاء الله يكون بيخير ششش متبكيش.
غفران: وايلا وقعات ليه شي حاجة !
تاج دين: مغيوقع والو غير رتاحي ششش.
وصلو قدام باب سبيطار لقاو لبنات ومحسن ورشيد ونوفل وزوجة خوها كتبكي ودعي .مشات كتجري عنقاتها وكتواسيهاا اما تاج دين دار يديه فجيبو ووقف حداهم بعدما لقا عليهم سلام ووقف معاهم . غفران شافت تاج باقي ومشات عندو .
غفران: تاج دين يمكن ليك تمشي شكرا .
تاج دين عينو فعينيها مد يدو بحنان ومسح ليها دموعها قدامهم : معندي فين لمكنتش دبا فوقتاش غنكون اغفران.
غفران : الله يحفظك لهلا يخيطيك.
تاج دين: باركة من لبكا طيبتي عينيك غيكون بيخير.
بقاو واقفين تاخرجات عندهم لممرضة وشافت فيهم : لولد راه الحمد لله قدرنا نعتقوه غير هو خاصو شوية ديال دم وعندو كسور على مستوى لعنق وليد ديالو .
محسن عنق مرتو عندو : الحمد لله ياربي الحمد لله .
غفران ملقات شكون تعنق وهي تعنق تاج دين كان حداها : الحمد لله لي هو بيخير.
محسن طلق من مراتو وشاف فلفرملية: واشنو فصيلة دم ديالو.
لفرملية وعينها على تاج ونوفل: A+.
محسن: انا معنديش . ضار شاف فيهم .شكون عندو .
غفران: انا اخوويا انااا.
محسن: الحمد لله سيري معاها .
تمات غادية تاحسات بيد شدات يدها كانت يد تاج دين تبسم وشاف فيها .
تاج دين: لمقديتيش يمكن ليا نشري دم .
غفران: لا قادرة متخافش عليا .
تاج دين : واخة .
دخلو لغرفة التبرع بالدم وهي فرحانة حيث موقع ليه والو .
يتبع..
