_سهم الغرام_♟️🫀
_ب_: 45
داز نهار عادي عند عرسانا غفران لي خايفة وفرحانة فنفس لوقت قادات شعرها ودارت عليه زيف باش ميضيعش ليها وضفرانها قاداتهم وصبغاتهم بلبيض وجدات جلابة لي غتلبس وقصدات لبيت تنعس .
فدار تاج دين لي جالس وحادر عينيه من زوجة خوه مونة لي جالسة دايرة عكر فايح ولبس مفضوح ومبينها وكدوي هي ولاخت ديالو رفيعة اما لاخ ديالو سافر على قبل لخدمة مغيرجع تالنهار لعرس .
لحاج محمد كياكل لفاكية ويضحك: ايوا لازم علينا نعرضو نسابنا ونقومو بيهم بعشاهم وغذاهم على حسابنا .
نصيرة كتجغم من كاسها: ضروري يعرفو لحاج محمد اش كيعني ويعرفو عندمن حطو بنتهم.
رفيعة : ايوا امي لجينا لكلام راه لبنت بلارة تستاهل
تاج دين تبسم : ايوا لحق يتقال مرتي ساوية ذهب.
مونة : تاتعيشو معاها عاد وزنوها حيث ميزان لعين غلطان.
رفيعة: لاوااه هي بلارة ولي قلنا مانقدو عليها غير بيوضيتها مانشبهوها فيها وبعقلها وعارفة اش كدير واش دير .
بقاو بلهضرة من بعد تعشاو وكل واحد قصد بيتو باش ينعس .
صبح صباح بشميشتو لي ليوم غيكون كبير عند عرسانا ، فاق تاج دين لبس سروال جينز فلزرق وتيشورط فلبيض وشعرو قادو ودار بارفان ديالو ساعتو دارها فيدو ونزل لقا لاب ولام ديالو لابسين عليهم احسن لباس وركبو فطونوبيل قاصدين دار غفران .
وصلو كانت غفران لابسة جلابة فلبيج ودارت زيف فنفس لون لي شعرها لمطلوق باين ومكياجها لخفيف وبارفانها لخفيف لبسات صندلة خفيفة فرجلها غير خرجات وهي حبيبة وزهرة ومغنية زغرتو وحدة ورا لخرا ، لقات زهرة لابسة جلابتها ولحاج ميلود حيث تافقو مع بعضياتهم باش هوما لي يمشيو معاها خرجو وهو تاج دين نزل وحل لباب بقا كيشوف فغفران وهي نفس شي كتشوف فيه تبسم ليها ركبات حداه وهوما كلهم ركبو لور وصلو لدار لعدول ونزلو تمو داخلين جلسو وهو يشوف فيهم لعدول وتبسم .
لعدول: عطيوني بطاقات تعريف ديالكم اسيادنا .
مد تاج دين ديالو وديالها شاف لعدول لبطاقات بدا كيكتب ومن بعد شاف فغفران.
لعدول: غفران بنت رشيد بن ميلود واش قابلة على تاج دين ولد محمد بن لمعطي يكون زوج ليك على سنة الله ورسوله.
غفران تبسمات وبصوت غالب عليه لخجل: اه .
لعدول مد ليها ستيلو وقعات وشاف فتاج دين وطىح عليه نفس سؤال وجاوب بفرحة مضا حتى هو.
لعدول: اسيدي مبروك عليكم وكنعلنكم زوج وزوجة برفاه ولبنين ان شاء الله.
زغرتات زهرة خرجو من تم وهوما فرحانين شاف لحاج محمد فميلود.
لحاج محمد: سي لحاج غتمشيو معانا ليلة راكم معروضين عندنا كلكم مرحبا بيكم .
لحاج ميلود تبسم: اييه الله يكبر بيك.
جبدات زهرة تيليفونها لي كان صغير دوزات ليها غفران رقم دار وقالتها ليهم ناضو بزربة كيوجدو فراسهم اما هوما شد تاج دين فيد غفران وخشا صبابعو مع صباعها وتبسم .
تاج دين: مبروك علينا.
غفران: مبروك علينا .
مشاو لطونوبيل ركبو ومشا قاصد دارهم.
يتبع...
