_سهم الغرام_♟️🫀
_ب_: 86
بداو كياكلو وغفران عجبها بزاف داك سمن ديال خدوج كتاكل وتبنن وتشوف فيها .
غفران فمها عامر: اممم عجبني بزاف هاد سمن اخالتي والله ، الله يعطيك صحيحتك.
خدوج: بصحتك وراحتك ابنتي .
غفران: الله يعطيك صحة .
كملو ماكلتهم ناضت خدوج وغفران كيجمعو فطبلة وصلوهم للكوزينة بغات تغسلهم تاتمات جايبة ليها خدوج بانيو كبير فيه لما وكرسي وطبلة لحداها.
خدوج: ايواا يالحبيبة هانتي تشوفي لما واصل غير لدوش لكوزينة باقي موصلناش .
غفران: ماشي مشكل .جلسات على لكرسي وحطات لماعن وبدات كتغسل فيهم وتستف تاتم داخل عندهم عبد الله .
عبد الله ضحك: وااامرت ولد عمتي تغسل فلماعن وااحليلي .
غفران: هه اه .
عبد الله جلس فجنب لباب : واناا يعجبني لي يخدمو شغل ويصاوبو مع ميي ايوالله.
غفران: هه مزيان اعبد الله.
عبد الله: وتي عزيز عليك تخدمي شغل ياك!
غفران: اه.
عبد الله شاف فخدوج لي كتنصب فلعشا: واامي تي زوجيني تاانا ومرتي تعاونك.
خدوج: اييه نزوج ولدي.
عبد الله: وابغيتها بحال غفران امييي تكون زينة وحادكة وغليضة.
تاج دين نطق من وراه: عابرها ياك .
عبد الله وقف: لا وبغيت مي تزوجني بوحدة بحالهة اخويا .
تاج دين جرو عندو وطبطب ليه على كتفو: ميكون غير خاطرك ولكن ماشي دبا .
تمو خارجين هو وعبد الله لقدام باب دار تاتسمع صوت لكلاب بجهد هنا غفران خافت بزاف ناضت بزربة وتمات غادية كتجري تاعكلات فبيجامتها وطاحت وتسمعات باق وتاج دين دار لقاها طاحت مشا ليها بزربة وهو كيضحك وقفها وشاف فيها.
تاج دين: نتي بيخيير
غفران: ههه بيخير نتا لي واش بيخير سمعت لكلاب خفت عليك.
تاج دين تبسم وباسها: امم يخلي ليا لي يخاف عليا متخافيش .
غفران ناضت: ايوا ملي مزيان خليني ندخل .
تاج دين: سيري.
دخلات وجلسات مع خدوج فلكوزينة كيوجدو فلعشا ويقادو ويتحدثو.
يتبع...
