_سهم الغرام_♟️🫀
_ب_: 99
هَبنِي اخضراراً إن غُصُوني أيبَسَت
واشتَاق قَلبِي للرِّحاب المَاطِرة،،
مازلتُ أمضِي والفُؤادُ مردِّدٌ
لبَّيك إنَّ العيشَ عيشُ الآخِرة ..!
وصلو لباب لمركز ومونة شادة فزهير وخايفة اما تاج دين غير كيشوف تمو داخلين بتلاثة خداو مونة لمركز تحقيق وبقا تاج دين واقف كيواسي زهير.
زهير: اخويا دبا علاش بغاوها لبوليس اش دارت ياك باب دار مكاتفوتهاش!
تاج دين: معرفتش اخويا يمكن غالطين .
زهير: واش مرتي دخل لحبس لا اخويا منبغيش هاد شي وخا ندخل انا فبلاصتها.
تاج دين: يهديك الله اصاحبي اش غتكون دارت عادي .
تمات خارجة عمة مونة شافت زهير وقفات عليه وهي مخنزرة.
لعمة: وشتي مرتك كانت غتغرقنا شتييي .
زهير: اش دارت !؟
لعمة عاودات ليه كولشي من لول تالخر شي لي خلا تاج دين مصدوم ومغدد على هاد شي.
لعمة: حايد اوليدي خليني نمشي بحالي مقاادة على كوميساريات .
مشات وزهير حدو شاف فتاج دين وولا حذر عينيه تاشد فيه تاج دين.
تاج دين: نتا مدرتي والو هي لي دارت ديكشي علاش بلاما تلوم راسك .
زهير: وعلاش هوما اش دارو ليها ومرتك ضريفة وبنت ناس وو.
تاج دين: اه صافي صافي ضاروري نعرفو علاش.
زهير: امم.
بقاو واقفين كانت وصلات لوحدة ديال ليل وهوما باقيين على حالهم نزل تاج دين كيصوني على غفران اما زهير جالس فطونوبيل وداير يدو على وجهو وكيخمم.
تاج دين: نعسي اش كتسناي فيا انااا.
غفران بعناد : اصلا انا ناعسة مكنتسناكش.
تاج دين تبسم: ايوا وعلاش داوية معايا امم!
غفران: بغيت نسولك على مونة!
تاج دين: باقي مردو علينا بوالو باقية فمركز تحقيق .
غفران: بزاف جوج سوايع !
تاج دين: ودبا سيري تنعسي ياهاد لمرا اي حاجة غدي نرد عليك.
غفران: اه نيت غنمشي نعس مع رفيعة.
تاج دين: نجي لمك نهزك لوحك تفوتي عتبت بيتك نحيد ليك دوك رجلين ونوريك سيري تنعسي الله يهديك سيري نجي ولقاك مكيناش فبلاصتك نخليها عليك.
غفران: وانا خافت!
تاج دين: وانا ملي نجي شكون نعنق!
غفران: عطا الله لوسايد.
تاج دين: هادوك غنخنق والديك بيهم.
