_سهم الغرام_♟️🫀
_ب_: 94
_حكايتنا حكاية نبداوها عند الواد ونساليوها فسقاية لي معندو هم تولدو ليه حمارتو ولي ضحك على لبلا يتبلا يااهاد بنادم حضي روحك ماتعرف شكون يمضي فموسو باش يبين جروحك وغلض ساسك حيث بزاف لي خاصهم ينقزو فوق صورك ويجبدو باسك ولي سقينا عطشو بلخير شحفنا موراه بشر_ .
دخلوهم كلهم لعند لكوميسير وكل وحدة اش كتقول وقفات رفيعة وخنزرات .
رفيعة: سي لكوميسير مع حتراماتي ليك ولكن لوليدة ديالي ماليها تاشي دخل ايلا بغيتي تخرجها حيث هي فقط كانت كتفرق .
لكوميسير شاف فواحد لبولسي: خرجها.
خرجو نصيرة لي كتبكي وخايفة على بنتها وعروستها خرجات لباب لكوميسارية كتصوني على تاج دين .
لكوميسير: جلسي نتي دبا وعاودي ليا.
رفيعة جلسات: مشينا لحمام ملي خرجنا وحنايا فطريقنا تلاقاو لينا شي عيالات عمرنا شفناهم وشراو معانا صداع بديت كنضارب انا وهادي لي راهية فسبيطار صاحبتها فاش دخلات هزات موس باش ضرب مرت خويا ضربات صاحبتها.
لكوميسير: سيباا فلبلاد غير لي تعدانا نبداو كنضربو فيه يااك .
رفيعة: ياك اسيدي كاينة واحد لماقولة كتقولوها القانون لا يحمي المغفلين .
لكوميسير: اييه ولكن مكيعنيش نديرو لفوضة فزنقة.
رفيعة: دافعة على راسي اسيدي وصافي .
غفران: اييه اسيدي دافعنا على راسنا وجيبهم يعتارفو حتى هوما .
لكوميسير: مغديش توريني خدمتي . شاف تاني فلبوليسي وعطاه اشارة باش يدخل مولات لكاسكيط.
دخلات وجلسات حدا رفيعة لي غير مخنزرة .
لكوميسير: علاش ضربتي صاحبتك.
تورية: اسيدي اش نقول ليك معرفتش كيفاش حنايا واحد لمرة قالت لينا بلي بنت خوها حاكرينها هاد جوج وخاصهم نعطيوهم شي قتلة ديال لعصا ووتهلا فينا وملي ضاربنا مرضيتش بيها تغلبني كنت ناوية غير نخلعها وماعرفتش كيفاش تاضربة صاحبتي اشاف .
لكوميسير: اذن نتوما خرجو بحالكم لحتاجيناكم فشي حاجة غنعيطو ليكم .
ناضت رفيعة وغفران شادة فيها غتموت بلخلعة خرجو وهوما يلقاو نصيرة وتاج دين واقفين حدا طونوبيل وتاج دين مخنزر فيهم عاودات ليه نصيرة كلشي .
يتبع...
