_سهم الغرام_♟️🫀
_ب_: 63
المَفَاتِنَ فَيْ عَيْنَيْكِ مُخْمَرَةٌ
مِنْ نَظرَةٍ مِنكِ يَغْدُوْ المَرْءُ سَكرَانَا
عَيْنَاكِ مَنْظُوْمَةٌ تَحْوِيْ قَصَائِدَهَا
كَيْ تَبْعَثُ السِّحْرَ نَتْلُوْ مِنْهُ دِيوَانَا
قُلْ لِلقَوَافِيْ إِذَا مَالَتْ بِأَحْرُفِهَا
الشَّوْقُ بَحْرٌ وَفَيْ عَيْنَيْكِ مَرسَانَ
رجعات لبلاصتها وكملات ماكلتها يالله غتجمع طبلة وهي توقف عليها رفيعة .
رفيعة: حشومة اختي وماشي من عادتنا حتى تفوتي سبع ايام ديالك اختي .
ناضت بهية وهي ضاحكة وقالت مع بالها تاتكملها ونشوفو ديك ساعة .
بهية كتعنق وتبوس: بنت ختي لحبيبة تبقايلي على خير والله يتبت وبسلامة عليك.
غفران: خالتي كون غير بقيتي باقي لحال.
بهية: لالا خاصني نمشي الحبيبة .
توادعات معاهم كلهم وشدات طريقها وخلات وراها فعالها لخبيثة لي دارت فبنت بريئة ملحقاتها بعيب مضراتها بقباحة وزيد عليها بنت ختها كيف بنتها ايييه لاتحسب حبابك حباب وهو سمهم للعقارب فات .
طلعات غفران لبيتها لبسات كسوة طويلة وفضفاضية فلازرق وزيف فلبيض شداتو مدارت والو فوجها بحكم لموت لبسات صندالة بيضة بلا طالون سامبل عادية وخرجات هبطات لتحت ووقفات عيطات على تاج دين وخرج عندها.
تاج دين تبسم: ملاكي اناا يالله نمشيو.
غفران: يالله.
تاج دين شد ليها فيدها وتم غادي: يالله زيدي .
خرجو وركبو فطونوبيل طول طريق وهو شاد ليها فيدها وصلو وحبس وشاف فيها.
تاج دين: حذري عينيك اغفران منبغي حد يشوف فيك ويوضح نضرتو ليك الله يرضي عليك ولمرة جاية نبغي تلبسي تقاشر تفاهمنا ومتكتري فهضرة معاهم.
غفران: اهاه واخة ميكون غير خاطرك اتاجي.
تاج دين ضحك: اشنو اناا!
غفران كضحك: تااجي.
تاج دين: والو بلا بيك ابلارتي لي مرصعاني .
نزلو وتمو داخلين للعمارة بلاكلام شاد ليها فيدها دخلو لسانسور وهي غفران تشوف فيه.
غفران: انااري عنداك غير يتسد علينا نموت ليك هنا اتاج دين هه.
تاج دين: ههه متخافيش نموت انا ومايموت حبيبي .
غفران حشمات: هه ايوا الحمد لله.
تاج دين: علاش هه!
غفران غتهضر وهي تحل لباب: ها علاش.
نزلو وقفو بانت ليهم باب دار محلولة وشي رجال وعيالات فبابها واقفين قربو لقا سلام تاج دين وشد فيد غفران حداه ودخلو كتبان ليهم لام جالسة وسط صالون لي كان عامر بنات ولاد وشاباب وشابات ورجال كبار وصغار هذا هو لموت ميطلو عليك ميشوفوك تاتموت عاد يجيو يمتلو عليك شادة تيشورط ديالها وكتبكي وتعدد.
لام: وااابنيتي ولمن خليتيني شكون يقول ليااا اميمتي غير صبري واااابنيتي ولمن خليتيني واااااميمتك بلا بيك وحيدة وااابنتي لي كنتي تقولي ليا نساريك ونشري ليك لمن خليتيني وااااا لحبيبة ولمن خليتيني.
يتبع...
