_سهم الغرام_♟️🫀
_ب_: 32
_يصيح مع لبومة ويكره لغاها ...ويبكي مع ليتيمة وياكل عشاها_
لبسات كسوة فلزرق وزيف فلبيض دارتو بزز منها وصندالة فلبيض جات فنة ومكياج خفيف وكلوص وخرجات لقات نور واسية وسوسن كيتسناوها خرجو ركبو فطونوبيل اسية ومشاو وصلو لسويقة كانت عامرة ومحلاتها حالين وقفو ونزلو تمو داخلين عند مول لبيجامات كيتعزلو ويختارو .
اسية: اش تبغي طوال ولا لقصار ولا .غمزاتها لسهير ليل اممم.
غفران خنزرات فيها : بغيتهم يكونو بسراولهم .
نور ضحكات بجهد تاتلفتو شي بنات كانو تم: حمقة هاادي وحق الله زيدو.
بداو كيختارو تاخداو اش بغاو وتمو غادين كيشوفو بلاصت شورطات وديباردو ديالهم ولملابس داخلية خداو منهم تاسمعات تيليفونها كيصوني.
غفران لقات سميتو طالعة تبسمات وكحازت من حداهم وجاوبات: الوو تاج دين!
تاج دين جالس فطونوبيل كيلعب بصباعو: فينك دبا !
غفران: فسويقة علاش!
تاج دين: خرجي لبابها عندي .
غفران خنزرات: ولكن انا دبا مع لبنات .
تاج دين: وخرجي باركة من لعناد .
غفران : واخة تسنا هاني جاية .
قطعات عليه وشافت فلبنات وهوما شافو فيها.
غفران: راجلي كيسايني فباب سويقة لازم نمشي عندو .
اسية: ههه هاي هاااي ياختي سيري سيري ملي تكملي عيطي علينا .
غفران: واخة .
تمات غادية تاتمو جوج ولاد شباب تابعينها وكل واحد كيلوح هضرة بانت ليهم بيضة وعامرة وزينها لي عاطي تمو غادين وراها .
شاب1: مال زين زربان عطينا وقت بغينا غير نمرة .
شاب2: وااشت لزرق واناا نزلق دبا دوي معانا عطينا وقت ازين ونتي زربانة على ودك نبيع لفيرمات ولبقر .
شاب1شاف فصاحبو: على ودها نبيع لمدينة بلبحر .
غفران كدعي لله غير توصل عند تاج دين قبل ميجرها شي حد فيهم ولا يقرب كتر خافت على راسها تابانت ليها طونوبيل تاج دين واقفة وهو متكي عليها وضاير لجيهة لخرا .
يتبع....
