_سهم الغرام_♟️
_ب_: 72
_ضربة لي تجي فحبيبي كتخنجر فيا كثر منو_
ملي سمع مقالت مغنية لي صبح ملي صبح مشات عند واحد لفقيه وفيدها صورة غفران عطاتها ليه وبقا كيشوف شوية وهو ينطق قال ليها بلي لي قريب ليها ضرها وضربة جاتها يالله هادي يام قليلة وبلي كلات وعلى راجلها بغاوها تتجلا.
رجعات كتجري وشكها زاد كبر من هضرة لفقيه يالله كتعاود ليهم ماجرا تاسمعو غوات غفران وكان خاصهم يتحركو .
تاج دين: منين نجيب هاد لفقيه اخالتي!
مغنية: اجي اولدي تبعني ونمشيو انا وياك
تاج دين تم غادي وراها: وتقدر تبرا!
مغنية: ميكون غير لخير اولدي والله ياخذ لحق فلي كان سبابكم اولدي.
تاج دين: مفهمتش!
وصلو لطونوبيل وهي تعلمو بلي خاص ضاروري يركبو ركبو وكسيرا تاج دين ومغنية بدات كتعاود ليه اش وقع وهو غير مصدوم تاوقفاتو بلي دار راهية .
نزلات مغنية وتاج دين بقا كيتسناها حيث هي غتعرف اش دير شوية تمات جاية هي وراجل شوية كبير فلعمر لابس جلابة فلابيض وطربوش فيه لالوان لقا سلام على تاج دين وركب هو مغنية وتاج دين كسيرا وهو مباغيش شي راجل يشوف مراتو ولكن معندو مايدير.
وصلو وتمو داخلين لدار تاج دين سبق وهو يلقا رحمة لبسات لغفران زيف وجلابة فلاسود ومسحات ليها وجها من دموع وهدناتها وفهماتها اش دير تم جاي لفقيه.
لفقيه: ممكن تخرجو بغيت نقرا عليها بعض لايات وبغيت شي بانيو عفاكم.
تاج دين: لآيات اه ولكن لبانيو لاش غتغسل لماعن ولا شنوو!
لفقيه: تهدن اولدي ضاروري منو.
تاج دين ربع يديه وشاف فيه: غنبقا معاك.
لفقيه عرفو متايقش : لي بغيتي غير هو متهضرش.
تاج دين مشا جلس فواحد لكرسي تم : كون هاني.
اسية: خود اسي لفقيه.
مدات ليه لبانيو لي حطو حدا رجلين غفران لي مفاهمة والو من اش كيدير حدها كتشوف وحاسة براسها عيانة.
يتبع...
