_سهم الغرام_♟️🫀
_ب_: 125
فَأجابت العينْ ولا صوتَ لها
و لكن العينُ للعينِ تسمعُ
و قَصَتْ كُلُ ما جَرَى لها
ناضو فصباح كان لجو هادئ وشميشة دافية ولكن لبرد تجمعو على لفطور كيفطرو من غير لحاج ميلود ورشيد لي مشاو لخدمة .
غفران جلسات: صباح نور كيف صبحتو!
بهية: الحمد لله ابنتي نتي لي كيف صبحتي .
غفران: الحمد لله بيخير اخالتي.
زهرة تمات داخلة وهي كتدوي فتيليفون: اييه مرحبا بيكم هه مرحبا حسبوها غير عراضة ههه لالا متقوليش هكذا اييه ايوا نتسناكوم.
قطعات ومشات جلسات كضحك وهي تشوف فيها رحمة .
رحمة كتكب لحليب : اش تم ههه!
زهرة: عيطت لنصيرة ورفيعة وتاج دين ولحاج ميلود.
غفران كتكح: كححح كحح كححح اشنوووو درتي امي!
زهرة: ايوا هوما صحابنا وحبابنا لابد يحضرو معانا .
غفران: اييه رفيعة ونصيرة مرحبا ولحاج ولكن لاخر علاش!
رحمة: تي شكون هاد لاخر!
غفران: طليقي.
رحمة: اييه الالة تاهو مرحبا بيه .
غفران: اممم كديرو ضدد ياك.
سوسن كتاكل: تانتي راكي مسطية اغفران لبسي وبيني ليه بلي خسر ضياموند من بين يديه.
بهية: ياااك الحمارة كتحرشي فختك حشومة سكتي.
حبيبة: تي متديش عليهااا ابنتي تمشي ديري شي زبلة.
غفران ضحكات: الله يرضي عليك ياااااسوسن ههههه.
بقاو كياكلو ويدويو بيناتهم ، نمشيو لدار ديال لحاج محمد لي جلسو كيفطرو تاتمات جاية نصيرة وقفات وشافت فيهم.
نصيرة: ليوم راحنا معروضين للغذا وفلعشية كاينة لخطابة .
تاج دين هبط راسو على كاسو ديال لقهوة: انا مغادي فين.
لحاج محمد: فين هاد شي!
نصيرة: فدار لحاج ميلود عندهم لخطابة.
تاج دين طلع راس بزربة وقلبو بدا يضرب: علاش شكون بسلامة غيتخطب تم!
نصيرة: سوسن بنت بهية .
لحاج محمد: مبروووك اسيدي عليها ايوا صافي نمشي لمحال نضرب طلة ونجي ونمشيو .
رفيعة: اه واخة ابا .
تاج دين: حتى انا غادي.
نصيرة: ياك قلتي مغتجيش!
تاج دين: غنمشي معاكم ولكن بلاتي ونلحق عليكم.
نصيرة ضحكات: واخة .
ناض تاج دين خرج من دار كيدوي مع راسو .
تاج دين: نمشي نحضي رزقي شكون غيحضيه ليا هه.
يتبع...
