_سهم الغرام_♟️🫀
_ب_: 142
كملو ماكلتهم وركبو تاني فطونوبيل بقاو غادين شوية وصلو لدرب حبس طونوبيل ونزل ونزل غفران وعيالات درب جالسين فلباب حاضيين وبداو تاني يدويو وينممو.
تاج دين شد فغفران وتم مدخلها لدار وهي تتلقا ليها نصيرة فلباب عنقاتها وباستها ووراها رفيعة لي جات قبلهم هازة بلاطو فيه لحليب وتمر عطاوهم شربوهم . دخلو لصالون جلسو وهو يوقف عليها تاج دين .
تاج دين: طلعي ترتاحي فبيتك .
غفران ضحكات: لا اخويا تانسني لعقد ونطلع حرااام هههه.
نصيرة: وايه تافين لعقد.
تاج دين: راه واجد خاصني غير نجيبو.
نصيرة: ويالله سير.
خرج تاج دين كيضحك وعاد رجعات لفرحة لدارو مشا ركب فطونوبيل قاصد لعدول جاب لعقد وولا ركب ورجع دخل لدار سمع ضحك ولهضرة وهو يوقف وتنهد وضحك.
تاج دين: الحمد لله اللهم دومها نعمة كنبغيها اناا.
دخل وقف وجبد لعقد كحز واحد طبسيل حيث كانو كياكلو وجبد ستيلو سما الله وسنيا وعطاها سنيات وهي تزغرت رفيعة.
تاج دين: اش كديري!
رفيعة: كنزغرت مالك.
تاج دين جبد غفران عندو : هادي اصلا مراتي من شحال هادي.
رفيعة: وهانتي.
غفران: وشتي دبا هذااا ويالله ههههه.
تاج دين شاف فيها وشاف فمو: اش ندير كنبغيها.
غفران حشمات: احم غنطلع نعس عييت .
تاج دين: نوضي ابلارتي .
غفران: غطلعني رفيعة.
تاج دين: لاء انا غنطلعك.
تم شاد فيها وطالع هو وياها لبيت دخلها لقات لفراش تبدل وحتى ديكور.
تاج دين سد لباب: كيف جاك هه.
غفران: غزاال ولا حسن من لول .
تاج دين: ياك بعداا.
غفران تبسمات وشافت فيه: ملي فيه نتا راه زوين.
تاج دين: قلبيييي.
غفران جمعات حجبانها: مالو!
تاج دين: كيموت عليك اغفران راني كنتسطا عليك.
داز لوقت ضربات ربعة ديال صباح ، غفران جاها حريق خفيف شدات على كرشها وناضت .
غفران: ايي هاد لحريق تاني .
بقات واقفة كتمشي وتجي كتسناه يدوز والو غير مكيزيد يجهاد تاغوتات بجهد .
تاج دين ناض من بلاصتو بزربة وشاف فيها: غفران اش كاااين.
غفران: كرشييي اتاج دين ضارانييي فيااااا لحريق يمكن غنولد.
تاج دين: غتولدي.
غفران: اه اتاج دييييين.
تاج دين: علاه نتي حاملة !
غفران ضرباتو لضهرو لي ملابسش صوفيطمة: راااااه غنووولد.
تاج دين مع دوخة ديال نعاس عاد فاق اش كيقول: نمشيو لطبيب ياااك.
غفران جهاد عليها لحريق: وااااااااااربييي دينييييس لطبييب علااااااش عنديييييي راجل حمق بحاااااالك عتقنيييي.
مشا كيجري جاب ليها زيفها وواحد لكسوة لبسهم ليها بزربة ورجع تاني هز تيشورط ديالو لبسو بلمقلوب وتم خارج شاد فيها بزربة وهي تجي رفيعة كتجري وشعرها طالع فسما بلخوف جات كتجري.
تاج دين: حيدييي حيدييي راه غتولد.
غفران: واخة اخويااا واخة وااخة نمشي معاكوم.
لبسات صندالة ديال لحاج محمد وزيفها قاداتو وغير بلبيجامة ركبو ومشا تاج دين لسبيطار وغفران شادة ليه فيدو كتعض ليه فيها بقوة لحريق .
يتبع...
