_سهم الغرام_♟️🫀
_ب_: 38
لحاج ميلود وزهرة وبهية ومغنية وحبيبة ورحمة لحاصول كلهم بالهم ماهناهم على ولدهم لغالي لي خافو ليخطاهم ، بكاو وعياو ضربو وجلسو كيتشواو كيساينو تيليفون يصوني بكل جهدهم وهوما خايفين وريق نشف من جوفهم تاسمعو صوت تيليفون لي هز قلبهم تالسما وخبطهم مشات رحمة كتجري وقلبها كيضرب طبول جاوبات ومن بعد تبسمات وحمدات الله وشكرات شي لي دخل نسمة راحة على قلبوهم قطعات وضارت شافت فيهم.
رحمة جلسات وسطهم وهي حاسة بربي رحمها وفاجاها عليها: الحمد لله ولدي باقي بروح وليني تهرس من يدو وعنقو .
زهرة ركعات فلارض بلفرحة : الحمد لله اربي ملي وليدي بيخير الحمد لله .
حبيبة كتمسح دموعها بطرف زيفها: الحمد لله على وليدي لي ولا ليا بيخير الحمد لله ياااربي مكاين باس وخا تهرس دبا يتجبر الحمد لله لي روح باقية فلخشبة .
بهية تكات وهي تتبسم: وماعرفتوشاي هذا لي ضربووو!
رحمة شافت فيها وطولات شوفة : مشا منو لمولاه اختي تم غيتحاسب عليها.
رقية تنهدات: ايوااا الله ياخذ فيه لحق.
تم نايض لحاج ميلود وشاف فيهم: عمرو اتاي ووجدو لماكلة غيجيو عيانين نجلسو وياكلو نمشي نصلي لمغرب راه قريب ونجي والحمد لله لي لطف بلطفووو.
رحمة ناضت: هي لولة اعمي هي لولة .
يالله لحاج ميلود لباب دار وتلاثة ديال جارات للباب بالهم ماهناهم وحسبوه بلاصة وليداتهم لاحو سلامهم على لحاج ودخلو لداخل .
جارة 1: واالحاجة زهرة تي كيف راه نص كبدتك اميمتي كيف رااه قطع لينا نصنا وربي شاهد على نيتنا الحبيبة .جلسات كتسلم.
جارة 2: الله ياخذ الحق فضالم اميمتي الله ياخذ الحق.
جارة3: طمنوني عليييه راه قلبي غادي ينزاح من بلاصتو .
زهرة: وتوماا جلسو بعداا ياخواتاتي صابي [ولد صغير] راه بيخير غير هو تهرس من عنقو ومن يدو وليدي حبيبي.
الجارة1: اميمتي ميمتي والحمد لله على سلامتو اخويتي .
الجارة3: ملي باقية روح كولشي يتصلح اخويتي قالها ليا وليدي سمير قاليا ولد محسن دمي زهرة خرج قدام باب دار ومع هو غير صغيور طونوبيل خرجات فيه وعطاتو علاه وانا نترفع محسيت براسي تاخركت صندالتي في رجلي وجيت طركت لعيالات فطريق وجينا كلنا ربي بوحدو لي عالم بقلوبنا.
زهرة تبسمات: مردودة ليكم فلفرح الحبيبات قالك حبيبتك هو لي فوقت شدة ماشي وقت لفرح ودخولكم عليا زاد فرحني ونقص على مابيا .
يتبع...
