_سهم الغرام_♟️🫀
_ب_: 109
بعد مرور تلاثة اشهر لي غفران بانت فيهم كرشها وبرزات ، اما زهير طلق من مونة ومشا بدل لجو وولا رجع لدار ليوم ملي مشا تاج دين فصباح بكري مولاش رجع ودبا كتأذن لعشا ومعليه تاخبار غفران تخلعات عيات متصوني تيليفونو مكيصونيش ناضت قادات عليها عباءتها وشافت فرفيعة .
غفران: ختي رفيعة تمشي معايا ولا نمشي بوحدي.
رفيعة: لا نمشي معاك تسناي ندير زيفي.
مشات رفيعة بزربة لبسات زيفها وتبعات غفران لي خارجة وهي خايفة كتر من لقياس قلبها غيسكت شدات طاكسي وتمو غادين حبسات بيهم قدام لبوتيك ديالو لقات طونوبيلتو حابسة و لخداما واقفين كيتحدتو.
تمات داخلة تاوقفات على واحد فيهم .
غفران: خويا فين هو تاج دين!؟
شاب: شكون نتي اختي!
غفران: مراتو دبا قول ليا فين هو!
شاب: ءء راه لداخل فبيت تبدال.
غفران: اه واخة .
تمات داخلة ورفيعة وراها كتقلب عليه فبيوت تبدال تاحلات واحد لبيت عليه عينيها خرجو ومتيقاتش اش كتشوف بدات كترعد ورفيعة غير طلات مشات بزربة شدات فغفران لطيح.
غفران: ر رر فيعة شفتي هو ه هو كيخوني.
رفيعة: شششش صافي اختي صافي.
تاج دين لي عاد وعى براسو اش كيدير كان ناعس فوضعية خايبة هو من لفوق ومونة من لتحت ملابسش تيشورط وهي ملابساش تيشورط ناض وبدا كيدوي بوحدو.
تاج دين: اش درت اش درت انااااا.
مونة كتبكي فقط تمتيل حيث هي لي صنعات هاد لخطة : اش درتي بكيت عليك ونتا بغيتي تتعدا عليا ياك اتاج دين ياك.
تاج دين : خرجيييي خرجييييي اش درت انااااااا اشنووو درت .
يتبع...
