_سهم الغرام_♟️🫀
_ب_: 92
_لمرا لحادة ولقادة فينما رميتيها قادة وموقادة_
دخلو على باب لحمام لي بعيد على دار بشحال دخلو حطو صيكانهم كان لحمام عامر كيف ديما دخلو يتحممو .
فراس درب ديال لحمام واقفين خمسة ديال لعيالات وحدة غليضة وقصيرة لابسة جلابة فلغوز شعرها صابغاه بلصفر وكتمضغ فلمسكة وحداها جوج بنات رقاقات ولابسين جلابات وحدة لابساها فلحمر ووحدة فلبرتقالي شعرهم جامعينو وصابغينو بلحمر بجوج اما وحدة غليضة وطويلة لابسة سروال جينز وتيشورط فرمادي ودايرة كاسكيط اما لخرة لي واقفة بعيدة عليهم نعتات بيدها وضحكات وكحزات.
لعمة: واايه بلاما نوصيكم بردو ليا جنوون بنت خويا فيها وصافي.
نطقات ديك لي كتمضغ لمسكة:تي لادربي حساب لوالو ازين.
كملو حمامهم بعد تلاثة ديال سوايع دبا تلاثة ديال لعشية درب خاوي ديال لحمام تمو خارجين وهي تتقدم ديك لي كتمضغ لمسكة قاصدة رفيعة لي هازة صاك اما لخرين بقاو جالسين جات دايزة ودخلات فيها بجهد وبلعاني.
رفيعة طلعات حاجبها: تكايسي اختي تكايسي كون خديتي كتفي معاك.
مولات لمسكة: ايه اديك عوجت لكمارة كملي طريقك حسن ماوجهك يتمحا فلرض هنا.
غفران: صاف ارفيعة يالله مقادين على مشاكل.
رفيعة حطات صاك من يدها: واااا قربي ياااا فصالت زنبوط دايرة كيف شي مسند فصالت زبلة زيدي لمانمسح لوالديك خنونتك فشانطي.
تمات ديك مولات لمسكة مقربة لرفيعة ورفيعة مكانتش من لعاكزين ونتراتها من شعرها ولاحتها فلارض وجات فوقها كتعطيها لخرين شافوها طاحت وهوما يجيو باش يتحاماو وهي غفران تلوح سطل.
غفران: تزييييد شي بنت لق***ة غنكردها على مية هنايا .
ديك طويلة لي دايرة لكاسكيط بغات تحكر على غفران: وتي سيري البرهوشة.
غفران: اش قلتي اوجه سلوكي طولة سبسي اممم اش كتقولي.
تمات مقربة من غفران وهي غفران بدات كتعطيها فدق دقة مني ودقة منك حتى تمو جابات دوك جوجات بغاو يتعاونو ساعة غفران ورفيعة عطاوهم علاش كيضبرو مزياان ونصيرة غير كتفرق فيهم مع درب خاوي غير هوما محامين تاناضت ديك مولات لكاسكيط جبدات موس من جنبها ديال لخضرة وخشاتو ليها فكرشها وطاحت فلارض مغيبة ونصيرة غوتات.
يتبع...
