_سهم الغرام_♟️🫀
_ب_: 98
بقات هكذاك على حالها مقلقة تاسمعو نصيرة كتعيط باش يتعشاو ناض تاج دين وجر عليها لغطا وجرها من رجليها تاهبطها للارض وحطها.
غفران كتنتر رجليها: واااطلق منييي طلق.
تاج دين: نوضي لبسي شي بيجامة نوضي ويالله تاكلي ولا والله يامك تالبسها ليك بزز منك وتانجر والديك فهاد دروج.
غفران: وصاف غير طلق مني وغلبس وغنهبط غير بعد مني.
ناضت بعدما طلق منها لبس تيشورط ديالو ووقف وهي ضور تشوف فيه.
غفران: وسير اش كتساين.
تاج دين: لا امدام تانهبطو نتي قدامي وانا موراك .
غفران: ففففف.
تاج دين هز واحد لكاس: غنشير على مك نوريك اف يالله سربي.
لبسات بيجامتها ولاحت زيفها على راسها وهبطات وهو وراها كيضحك تحط لعشا وتجمعو كلهم غفران جلسات حدا رفيعة وتاج دين غير كيشوف اش كدير .
غفران بصوت هامس: تصالحتي معاه.
رفيعة: لا ونتي!
غفران: لا
رفيعة: مزيان عبرتي عليه.
غفران: خلي شي يامات نعلمو ونتصالح معاه.
رفيعة: ههه اييه رضا.
نصيرة: اشنو كتقولو نتوما جوجات.
رفيعة: والووو.
لحاج محمد: كيتنامرو على شي حاجة باينة ههه.
زهير: الوليد هادوك راه ميعرف لي فراسهم غير لي خلقهم.
مونة كتشوف فيهم وساكتة، تعشاو يالله غفران كتجمع فلماعن تاسمعو دقان فباب دار يالله غتمشي تحل وهو يشدها تاج دين .
تاج دين: سيري لكوزينة اغفران وبلاما تجي انا نشوف شكون كيدق فليل.
مشا حل لباب لقاهم لبوليس تعجب .
تاج دين: اش واقع الشاف!
لبوليسي: عندنا امر باش نعتاقلو مونة ل*** .
زهير نطق ورا تاج دين: علاش اش دارت مرتي!
لبوليسي: تفضلو معانا للمركز وغتعرفو .
مشا زهير عيط لمونة لي قلبها بدا كيترعد غير بوحدو مشات ورا زهير وتاج دين مشا عند غفران.
تاج دين: انا غنمشي معاهم نوصلهم ضروري موهيم طلعي لبيتك تيليفون بيناتنا .
غفران: غتعطل!
تاج دين: معرفتش موهيم غنحاول نجي .
يتبع...
