_سهم الغرام_♟️🫀
_
_ب_: 106
طلع تاج دين هو وغفران ووصا رفيعة تجيب ليهم شي حاجة ياكلوها جلس وجلسات قدامو شد ليها فيديها وتبسم.
تاج دين: بصراحة لقرت فرحان غنكذب انا فت شي حاجة سميتها لفرحة معاك اغفران.
غفران: ههه مفهمتش!
تاج دين: عمرني كنت كنضن شي نهار غنتزوج ومرتي غتحمل وغيوليو عندي وليدات.
غفران: علاش!؟
تاج دين: ملي كنت شاب مكانش عندي مع لارتباط ولا تصاحيب كيف كيقولو وملي كبرت بدا موضوع زواج كيجبدوه عليا ديما كنت كنقول عادي غنتزوج ولكن مغنبغيش عادي غيكون زواج تقليدي ولكن وقع لعكس.
غفران: بحالاش لعكس!؟
تاج دين: ملي شتك نهار لول بغيتك وعجبتيني وملي خطبتك وبقيت معاكم دوك لايام زدت بغيتك اغفران ووليت كنبغيك بزاف لدرجة كبيرة وحسيت بلي حياتي زوينة ووليت فرحان ودبا انا فرحان كتر حيث عرفت غيكونو عندي وليدات معاك .
غفران ضحكات: ههه مسطي .
تاج دين: بيك انا مسطي ودبا بغيت نسولك.
غفران: شنو!
تاج دين: واش نبقاو ساكنين هنا ولا نمشيو لدارنا ختاري.
غفران: معرفتش بصراحة ولكن كنتمنا لموضوع تسول فيه خالتي نصيرة وتشوفها اش تقول ليك لبغات نمشيو مبغاتش نبقاو هنا
تاج دين عنقها عندو وبقا كيبوسها: احسن حاجة فحياتي ههه.
غفران: وربي وصاافي صاافي.
سمعو دقان تاتمات داخلة رفيعة حطات ليهم وضحكات معاهم.
رفيعة: لي يوجد لكوطي هبطو ودبا رتاحو .
تاج دين: شكرا اسي عبد لقادر.
رفيعة: وهانتا كتجبدني وشتي دبااا وهااا.
هبطات رفيعة كضحك وجلسات حداهم كانو فرحانين فصالون تانطق زهير لي حاس براسو نفسيتو عيانة بزاف.
زهير: سمحو ليا تزوجت انا لولد ولكن مقدرتش نفرحكم.
نصيرة: باقي الحال اولدي وفرحتينا نتا كلك فرحة فدار.
زهير: لوليدة زواج لي مبني على لحب ماشي لي مبني على لمصلحة ولغذر.شاف فمونة وخنزر . ودبا بغيت نقولها قدامكم كلكم انا مبقيتش باغي مونة بغيت نطلقها صافي مبقيتش بغيتها وحتى هي من لول مباغانيش.
نصيرة: الله اوليدي الله وعلاش !
زهير: انا عارف علاش لي نقول ليكم دبا هي ملي نرجع لدار منلقاهاش فيها وبريتها غذا فصباح توصلها.
مونة وقفات ونطقات: احسن حل فف هنيتيني عائلة دلمراضين اخخخ.
يتبع...
