_سهم الغرام_♟️🫀
_ب_: 123
غفران مسحات دموعها ودخلات لدوش دوشات ولبسات سروال فرمادي وقبية فلغوز وتقيشرات وشعرها نشفاتو ودارت عليه زيف وتكات كتفرج تاسمعات دقان فباب لبيت .
غفران: دخل شكون كيدق.
سوسن: غير انا اختي.
غفران: دخلي المسطية دخلي.
سوسن مشات لحداها وجلسات حداها وتبسمات.
غفران: اش تم قولي باينة عندك شي حاجة.
سوسن: ختي غفران غذا ان شاء الله غيجي فيا واحد لولد يخطبني .
غفران تبسمات: بصح وفين شتيه!؟
سوسن: هو مول لمكتبة اختي صراحة عجبني وعجبتو وبغا يخطبني وغذا غيجي وحشمت نقولها ليهم .
غفران ناضت : انا نقولها ليهم يالحبيبة مبروك عليك راه خاصنا نوجدو ليك هه.
سوسن: الله يبارك فيك اختي .
هبطات غفران وسوسن تابعاها لتحت وقفات وشافت فيهم.
غفران: جايين لخطاب ونتوما باقيين جالسين غذا غيجيو.
زهرة خنزرات فيها: رجوع الله اديك لهيشة تي كان عندك صحيبك ونتي مزوجة ولاشنو بهاد زربة امممم .
رحمة: وحشمي غير على ديك لحيمة لي فكرشك ابنت كرشيييي .
حبيبة: تيي هترتي ولا شنوو سيري تجلسي لهيه فاين تلقاي بحال داك زين رجال ديال تاج دين سيري سيري حملتي ونتي تهتري.
غفران دارت يدها على جنبها وخنزرات فيهم: دبا وجهكم هذاك ولا قفاكم راااه سوسن هي لي جاين فيها لخطاب.
حبيبة زغرتات: واااامبارك ومسعود الحنينة وتي مبروووك عليك.
زهرة: مبروك ابنتي الله يكمل عليك بلخير.
رحمة: مبروووك عليك.
سوسن: غذا غيجيو.
رحمة: ايوا ليلة نوجدو ومرحبا بيهم غنعيطو لمك تجي تفرح معاك.
سوسن: ءلااا اخالتي متعيطي ليها متدويها.
رحمة: لوااه مك هاديك.
زهرة: غنعيطو ليها تجي وخا يكون لي كان جيبي ليا داك تيليفون.
مشات غفران مداتو ليها عيطات لبهية لي كانت جالسة غير بوحدها كتحصر على حالها وبنتها ومها لي كانو معمرين عليها تاصونا ليها تيليفون وجاوبات.
بهية: اهلان اييه الحمد لله ونتوما الحمد لله اخالتي زهرة.. علاش ياك لاباس.. بصح ..الحمد لله هههه نجي نجي دبا نوض يجمع حوايجي مايجي ليك نكون تم واخة فرحاااانة اناااا فرحانة.
يتبع...
