_سهم الغرام_♟️
_ب_: 68
جيتك بالله يالحاجة شوفي فيا......و حدثيني على زمان لي رانا فيه
قالولي الوقت الزين عشتيه نتيا.......وقت الحرمة و النيف انتم مواليه
من الكرم ناركم شاعلة ديما مقديا.......و ضيفكم خيار الشياه مذبوحة ليه
هاذا ملفوف و هذي كبدة مشويا..........وهذا مصور على الجمر يطيب لهيه
حبات طعام مفتولين بيديك نتيا...........فوق كسكاس تفوري فيه
ياحسراه على وقتنا صماطت الحيا.........ودعنا الحرمة و النيف سمحنا فيه
عاد الخو ينوض لخوه بالبونيا..........يسيحلو دمو ويفوتو و يخليه
حتى حرمة الجار ماتت يا خويا.........و الكرم دفناه ومادرنا شاهد عليه
اللباس المكشوف عاد اسمو حريا.........و سب الدين يخرجو زعافهم فيه
يا ربي ندعيك بجاه خاتم الأنبياء...........تصلح شبابنا و تحبب الدين ليه.
جالسة فبيتها مربعة رجليها شوية بدات كتفكر فتاج دين شافت لخاتم فيدها وهي تحيدو بنترة ولاحتو وبدات كتبكي وتغوت.
غفران: واااااا مبغيتوش انا كنكرهووو عمرني نرجع ليييه مغنرجعش علااااش باغي يضمرني علاااش اناا مكنحملوووش واااااربيييي.
بدات كتغوت تادخلو عندها امينة وكوثر كيجريو وقفو عليها.
امينة: ختي غفران اش واقع يااك لاباااس.
كوثر: ختييي اشنوو كاين!
غفران: بعدوه عليا انا ماباااغااااهش محملتووووش.
كوثر: صاف اختي غير تهدني رااه مغديش ترجعي ليه.
غفران: ياك واعنداك يجي وتحلو ليه حيث مبغيتووش اناااا محملتوو ماحملت طريق لي جابتووو.
امينة: اييه صاف دبا غير رتاحي.
غفران: راااه لي جابو ليا ميلوم غير راسو مكنحملوش كرهتوووو مبقيتش بغيتو يلعب عليااا انااا يديرني لعبة حشومة لااااا مبغيتوووش ياااكو البنات.
بداو كيهدنو فيها تانعسات وغطاوها وسدو باب لبيت عليها وطفاو تيليفون وخباو الخاتم من حداها لي كان فلارض وخرجو ، حطو لعشا وبداو كيتعشاو فهدوء تانطقات كوثر.
كوثر: اميي غفران ختي تخطات شي حاجة ولا كلات شي حاجة ميمكنش كون تشوفي كيف كانو وكيف دبا كدير غير من دبا .
رحمة حطات لخبز: اييه عندك صح بنيتي ماشي تالهيه يجي راجلها ونشوفو اش بيها كبدتي .
زهرة: لابد نجريو على لبنت راه بدات تخلعني .
مغنية: انا شكيت بلحق منقدر نقول والو دبا حيث العلم لله وهذا غير شك.
عيشة: لاواه اخالتي غير قولي .
مغنية: لالا ابنتي مانبغي نخلوض خواطر الحنينة دبا ربي يكشف لمستور.
كملو عشاهم وفرشو لرجالهم وليهم وتكاو كيكملو على حديتهم وموضوعهم لي هو غفران شاغلة بالهم كل وحدة تقول كلام .
فدار نور دين لي وصلوه لدارو حدا اهلو وخوانو كانت دار عامرة ببنات خالتو وعماتو وعمومو وخوالو تجمعو كلهم رجال وعيالات بلحق شي بنات عينهم زاغت عليهم وحطوها على شي حاجة ماهية ديالهم جالسين كيدويو كيتسناو يوجد لعشا وتاج دين كل مرة يصوني يطلع ليه تيليفون طافي ديال غفران كيزيد يتخلع كثر ماهو مخلوع .
يتبع...
