_سهم الغرام_♟️🫀
_ب_: 82
مشات هي وتاج دين لاحد لغرف لي تم كانت مفرشة عادية زربية فيها لزرق ولغوز ولبيض و غطاوات ومخاد حط فيهم تاج دين لباليزة ديالهم لي دار فيها حوايجو ودخل سد لباب .
غفران حيدات زيف وجلسات: ففف قتلني صهد وحتى نعاس .
تاج دين تبسم وجرها عندو: ايوا حيدي هاد لحالة كاملة هانتي هنا راني سديت لباب .
غفران وقفات: امم ديكشي لي غندير .
تاج دين حيد تيشورط وبقا غير بشورط وتكا على واحد لمخدة وجبد تيليفون ديالو كيشوف فيه.اما غفران حيدات ديك لكسوة وبقات غير بشورط بيض و ديباردو ديالو فنفس لون وشعرها جمعاتو لفوق ومشات حدا تاج دين لي تبسم وجرها عندو نعسات على كتفو .
تاج دين كيشوف فتيليفون: ودبا تبردتي هه.
غفران حيدات ليه تيليفون من يدو وبدات كتشوف فيه هي: امم اش عندك هنا ازوجي العزيز هه.
تاج دين باسها وشاف فيها: مكاين والو .
غفران: امم مزيان .حطات تيليفون وشافت فيه. علاش كتشوف فيا هكذا.
تاج دين: متديش عليا انا هكذا داير .
غفران: كيفاش!
تاج دين : غفران انا مريض.
غفران ناضت وجلسات: باش مريض!
تاج دين شد يدها عندو: بلقلب.
غفران غرغرو عينيها بدموع: علااش مقلتي ليا والو اتاج دين ودبا خاصك دواا.
تاج دين: دوا كاين.
غفران: فين هو !
تاج دين: هي نتي قلبي مريض بيك نتي حيث كيبغيك نتي وكيحماق عليك نتي .
غفران بدات كضربو لصدرو ولكتافو: علاش درتي لياا هكذا خلعتيني علااااش .
تاج دين جرها عندو عنقها وتكا وهي فجنبو وبدا كيضحك: واش لي يشوفك كلك وميوليش يتسطا ويحماق ويموت عليك امم انا بعدا وليت كنغير عليك حتى من لعيالات.
غفران ضحكات: ههه رجوع الله ماشي لديك درجة.
يتبع...
