_سهم الغرام_♟️🫀
_ب_: 91
جرح الخاين شحال صعيب
كية في الڨلب ماتبراش
كاس شربتو بيد لحبيب
كان بقدرو واليوم مايسواش
علاش الغدرة تجي من لڨريب
مرض بلا طب مايداواش
شمسك تمسات لزم تغيب
جرح الغدار يوجع ما يتلاواش
ربي يخلف علينا ويجيب
الدنيا طويلة ايامها ماتتنساش
درنا الخير وربحنا العيب
غدرونا بالظهر ڨلي وعلاش
بوجهي يضحكلي طبع الذيب
الحيلة والخبث اصلو مايترباش
يقيم المادة ويهمو الجيب
لاهف لدنيا ينهب مكراش
كملو شغالهم وجلسو كيرتاحو وهي مونة يالله هبطات هزات كاس ديال لقهوة ومسمنة دارت فيها لعسل وجات لحداهم حدها قالت سلام وجلسات رجل على رجل رفيعة لي ولات عايفاها محاملاش طبايعها وفعايلها .
رفيعة: غفران يالله نمشيو لحمام منها نمدو عضيماتنا منها نبياضو شوية اش بان ليك هه.
غفران: اييه علاش لا نيت من قبل لعرس متحممت شي تحميمة ديال لعوايد يالحبيبة ههه.
رفيعة: مي يالله تمشي معانا.
نصيرة: وولادك معامن غتخليهم!
رفيعة: ومالي منتهلاش فحالتي غير باهم فطاليان نبقا انا كنتسناه تابجب وعاد انا نمشي نقاد حالتي خليهم فلحضانة كيف تولفت.
نصيرة: اييه يالله امونة معانا.
مونة: غير سيرو مكيعجبنيش .
رفيعة ناضت: يالله نوضو .
غفران: اه انطلع نعلم تاج دين ونهز قفايفي ونهبط عندكم.
رفيعة: سطولا دبا نكريوهم فلحمام مكاين لاش نديوهم.
نصيرة: لا وخا نديو غير واحد .
رفيعة: واخة يالله.
طلعات غفران لبيت قلبات على تيليفونها ودوزات نمرة تاج دين لي كان واقف كيهضر مع لخدامة.
غفران: تاج دين ، غنمشي انا وماماك ورفيعة لحمام هاني قلتها ليك.
تاج دين: اه صاف سيرو وحضي راسك لدوخي ولا شي حاجة.
غفران: متخافش مغندوخش ههه.
تاج دين: بلاما نوصيك اغفران .
غفران: ندير زيفي ونحذر عيني ومنشوف فحد وتقاشري فرجلي ومندوي مع حد صافي.
تاج دين: ههه باش كتعجبيني حافضة.
غفران: واضاروري دبا خليني نمشي .
تاج دين: سيري سيري.
قطعات عليه وهزات حوايجها فصاك وشمبوان واش غتحتاج كلو ولبسات عاباءتها وخرجات .
هبطات لقاتهم كيتسناوها خرجو بتلاثة يالله على لعتبة وهي مونة شداتها جرية وحدة لبيتها دخلات وجبدات تيليفون ودوزات لخط.
مونة: الووو عمتي اييه مونة اييه جمعي ليا لبنات ولعيالات بغيتكم تقصدو ديك رفيعة راهم غاديين لحمام لعربي ياك وعطيوها شي قتلة ديال لعصى حتى ميبقا فيها عضم صحيح .. اييه صافي نعول عليك.. اييه بحلاوتكم كلكم.. صافي بسلامة .
ضحكات وخرجات من بيتها وهي فرحانة طاحت عليها فكرة تمات غادية لبيت غفران وتاج دين بغات تحلو وهي تلقاه مسورت خنزرات وبدات كتسب وولات هبطات ، غفران من نهار وصاتها رفيعة ووقع ليها ديك لمشكل مع سحور ولات مكتيقش .
يتبع...
