_سهم الغرام_♟️🫀
_ب_: 85
دخلات خدوج فيدها نعناع طلات على تاج دين لي كيضحك هو ولعربي .
خدوج: تاج دين خرج اوليدي تكلم لمرتك.
تاج دين ناض مخلوع: فين هي اشنو واقع!
خدوج ضحكات: والو اوليدي غير تكلم راهية حدا لحوض.
خرج بزربة تاوصل لحداها شافها فديك لحالة وجالسة كضحك معرف مالها.
تاج دين تحنا عندها: اش واقع اش هاد شي.
غفران ضحكات: ههه بغا يسرطني لغيس شوف كيف وليت ودبا وريني فين دوش وجيب ليا معاك حوايجي حشمت ندخل لدار بهاد لحالة اتاج دين.
تاج دين ضحك: ههه شتي نتي لارض هي تالية بغاتك وبغات تبلعك الله ياربي اش ندير وفين نخبيك هههه.
غفران: وقت طنيز يااك هذاا راه رجليا كرموووو اتاج دين.
تاج دين: صاف صاف ابلارتي ههه هاني غنجيبهم ليك صبقيني لدوش راهو لهيه دايرينو بعيد على دار.
غفران: واخة .
تاج دين: متحيديش حوايجك تانجي ليمشي يجي عبد الله ولا شي حاجة نصدق قاتل شي حد ههه .
غفران: امم واخة ودبااا كضحك عليا عاوني نوقف.
تاج دين عاونها وقفات : يالله سيري دبا المغيسة هاني جاي دبا .
مشات غفران كضحك على حالتها كيف ولات وتاج دين دخل لبيت هز ليها ملابس داخلية وخدا ليها بيجامة فلزرق طويلة وتقاشر فلبيض طوال وزيف فلبيض وشورط وديباردو هز ليها صاك ديال دوش لي فيه شمبوان ... وهز لفوطةوخرج بزربة عندها دق عليها حلات ودخل قادهم ليها فدوش طلق لما وخلاها وراها كيفاش تسد لباب عليها وخرج رجع عند خالو .
بعدما دوشات غفران نشفات شعرها ودارت زيفها قاداتو دهنات وجها ويديها بمرطبات خاصة ولبسات تقاشرها وخرجات عندهم هازة دوك لحوايج بعدما صبناتهم تم غير بيديها ونشرات لبيجامة وتقاشر اما لملابس داخلية وتيشورط وديباردو مبغاتش عيطات لتاج دين من لباب تالقاتو جاي .
غفران: عطيني سوارت طونوبيل نحط هاد لباس مبغيتش نشرهم هنا حشمت .
تاج دين جبد ساروت من جيبو: خودي عندك لحق اصلا مكنتش غنخليك تنشريهم تم .
غفران: امم واخة .
مشات لكوفر ديال طونوبيل لي حابسة غير قريبة جبدات شاسي تم دارت فيها لحوايج حيث فيهم لما وسدات عليهم وسدات لكوفر ورجعات دخلات لقات خدوج حطات لماكلة وتاج دين ولعربي كيتحدتو مدات سوارت لتاج دين وجلسات.
يتبع...
