_سهم الغرام_♟️🫀
_ب_: 33
_الزّيتونة وقت الحاجة تعطيك_
_وبنت الأصل وقت الشدّة ما تخلّيك_
_وكي تعمّل على اللّه كل خير يجيك_
مشات كتسرع فخطاوي ووقفات عليه هو شافها وهوما يبانو ليه داك جوج ضارو بزربة حشمانين وخايفين شاف فيها وجرها عندو عنقها اما غفران حلات عينيها على وسعهم من ردت فعلو ولكن هو قصد بيها بلي هادي ديالي بوحدي ولا شاف فيها .
تاج دين: طلعي
طلعات لطونوبيل وهي غير كتشوف بعويناتها جلسات سدات لباب وهو ركب بلا كلمة وتحرك بطونوبيل وهي تشوف فيه.
غفران: تاج دين راه خاصني نرجع .
تاج دين: عارف .
كسيرا غادي ووقف فواحد لبلاصة قلال فيها طونوبيلات وشاف فيها .
تاج دين: اش هاد لكسوة لابسة اغفران!
غفران: مالها !!
تاج دين: مزيرة عليك اغفران وزيد عليها وجهك وراني شفت دوك جوج مبغيتش نشوه راسي ونحط راسي فمستوى خايب معاهم ويبداو بلهضرة لخايبة ولي يسوا ولي ميسواش يضحك عليا وعليك فهمتي.
غفران خافت : مكنعرفهمش اتاج .
تاج دين عينو فعينها: امم عارف ولكن لبستك لي لابسة وزينك لفتان جرهم ليك وديك لعطرية لي دايرة ليا فداك لوجه.
غفران ضحكات على كلمة لعطرية لي كيعني بيها لمكياج: هه عادي .
تاج دين جرها عندو تاقرب وجهو من وجها وعينو فعينها: مبغيتكش ديريه ملي نكونو انا وياك فدارنا ديري لي بغيتي وغتلقايني كنشجعك اما قدام شمايت لاااا اغفران .
غفران: امم واخة .
تاج دين حرط طونوبيل: انا دبا غنمشي عند واحد صاحبي نعطيه واحد لامانة ديالو ونتي غتمشي معايا من بعد نوصلك لداركم .
غفران: امم واخة .
تاج دين : من هنا لفوق ممنوع لخروج تانتزوجو اغفران.
غفران: علاش.
تاج دين شاف فيها ولا شاف فطريق: هه حيث ديال تاج دين غالية بزاااف وماشي اب رخيص يشوفها .
يتبع...
