_سهم الغرام_♟️🫀
_
_ب_: 141
بعد طريق لي مبغات لاتكمل عند غفران وتاج دين لي سايق بشوية ، تاضرباتها لفيقة بعدما داتها عينها.
غفران: فين غادي بيا!؟
تاج دين: لدار.
غفران: ماشي طريق دارنا هادي.
تاج دين: لمك تسطيتي كيفاش داركم غنجيب لعقد ليلة تسنييه وتباتي فدارك.
غفران: لالا زربتي عليا.
تاج دين: والله يامك دبا لاطلقتك غير رتاحي.
غفران جبدات تيلفون: وبلاتي نصوني على ماما نعلمها.
تاج دين: خودي راحتك.
جبدات غفران تيليفون ودوزات لخط لتيليفون ديال دار جاوبات فيه زهرة.
غفران: لميمة لباس..انا لابااس لاباااس..لا راني راجعة مع تاج دين..اه تاج دين..اه راجلي..تصالحنا ..لاغنرجع لداري نيشان نيت لعقد ليلة نمضيوه..اه امييين ...اربي لما قولي لسوسن راه طرشاتني بهاد تزغريتة..اميين اميين امي .
قطعات عليها وشافت فتاج دين لي تبسم وهز يدها لفمو باسها وضحك: خارجة كلمة راجلي من فمك بحال لعسل انحيلة ديالي.
غفران: امم الرزيزي ديالي دبا وصلني لشي بلاصة بغيت ناكل فيا لموت ديال جوع.
تاج دين طلع فيها وهبط: شتك غلاضيتي من كل بلاصة .غمزها.
غفران: امم هه ايواا تبارك الله عليا بغيت ناكل .
تاج دين: هاحنايا واصلين غتاكلي .
وصلو قدام واحد لمطعم بسيط وصغير حبس طونوبيل ونزلو وتمو داخلين وهو شاد فيها.
يتبع...
