_سهم الغرام_♟️🫀
_ب_: 139
رفيعة: واااا تاج دين فين سهيتي دخل اخويا ركب لبوطة راه مكنعرفوش.
تاج دين فاق من سهوتو وعرف بلي غير كان كيتخايل وحمد لله: واخة واخة .
غفران خنزرات فيه: كنت داوية معاك ولكن مسمعتي والو يااك فين سهيتي .
تاج دين: والو غير سهيت وصافي اغفران سمحي ليا احبيبتي.
ناض دخل يقاد لبوطة لخدوج ، وغفران شافت فرفيعة لي مبتاسمة.
غفران: مالكي غير ضحكي !
رفيعة: ههههه واربيييي ايوا من شحال هادي ديروها وهنيونا.
غفران: اصلا هذاك راااجلي واب بنتي وكنموت عليه غير بغيت نتعفر شوية ونبقا فدارنا ههه.
رفيعة شدات ليها فيدها كتوقفها: وباز ههههه.
تمو داخلين عند خدوج للكوزينة وهو تاج دين ركب لبوطة وشافها جاية وشادة فيها رفيعة تادخلات وجلسات على لكرسي تم بشوية .
تاج دين: موهيم انا دبا غنمشي وشوية ونجي لكانت اي حاجة عيطو ليا.
غفران: فين غادي اتاج!
تاج دين: غير لهنا وصافي.
غفران: امم واخة .
بقاو جالسين كتوجد خدوج فلماكلة ويضحكو تاجابت لكرسي وجلسات قبالتهم.
خدوج: وابنيتي تي راك بديتي تتقالي خاصك تكوني دبا على بال.
غفران: اه وانا مخلووعة بزاف.
خدوج: متخافي موالوو الحبيبة كولشي غيدوز بسلامة كيف كيقولو شوفي عويناتو تنساي وجيعاتو.
رفيعة: ههه انا فولادتي لولة كنت غنموت بلخوف ولكن هيتم كان كيسكتني وفولادتي تانية جاتني عادية حيث عادي .
خدوج: وتي فين راجلك!
رفيعة: راهو فطاليان ، كيجمع ليا فلوراق حيث بنتي صغيرة باقي مدخلها ومايمكنش ليا نخليها هنا ونمشي انا ولولد.
خدوج: اييه عليها اميمتي.
غفران: كيفاش تعرفتي عليه !؟
خدوج: قرينا بجوج هه وكبرنا هو كيبغيني ومقايلهاش ليا وديما كنت كنشوفو كيشوف فيا والو مكانش كيحساب ليا كيبغيني عادي كنشوفو ديما ، تالواحد نهار وهو يوقف عليا بلي باغي يخطبني ايوا انا بصراحة كان عاجبني ايواا قبلت صافي خطبني ودار لوراق ومشا قلت صاف عمرو باقي يرجع شوية دازت عام وحنايا داوين تاجا ودار لعرس ايوا وصافي ههه كنبغيه صراحة بزااف.
خدوج: الله يخليه ليك ابنيتي ديك ساعة فعرسك محضرتش كانت بنيتي مريضة ايوا فاتت شي يامات وراك وماتت.
غفران: الله واكبر مسيكينا.
خدوج: امم امين ابنيتي .
يتبع...
