_سهم الغرام_♟️🫀
_ب_: 107
طلعات مونة لبيتها وقصدات لماريو ديالها جبدات لباليزة وحطاتها وبدات كتجمع فحوايجها كلهم وهي كتهضر غير بوحدها.
مونة: يحساب ليكم غتهناو مني لااا مغتهناوش حيث انا هنااا وعمرك تتهناو مني ولو نطلقو ولكن غنرجع ولكن مرت تاج دين ماشي مرت زهير ههه يحساب ليه كنبغيه ولا غنبكي عليه ههه عمرها تكون ليه غير يديرها فبالو وتاهاد لولد مغيتولدش انا ملي تزوجت وانا كنشرب فمانع لحمل باش منولدش مع زهير جات هي من لخر وبغات تولد ليا مع حبيبي ولكن والله لافرحتي بيه.
وقفات عليها رفيعة وسمعاتها كتمتم وشداتها من شعرها بجهد تاكان عنقها غيتقرط.
رفيعة: ايييه عائلة لوسخ ولا لمرض جمعي فمك حسن مغتحسبي سنانك فلرض الموسخة لمصنانة ليوم عندي يوم فرح لي نتي غتغبري وااه وخويا زهير ربي دبا يجيب ليه ماااحسن منك وغتبقاي لا هذا لا هذا اللفعة .
مونة : طلقي مني طلقييي خليني نمشي بحالي عيت منكم كلكم .
رفيعة: سربي راسك وتحركي يالله كيفاش تاخرجتي من لحبس نتي!
مونة: لفلوس كيديرو كولشي فهمتي ودبا خرجي عليا من بيتي خرجي.
خرجات مونة لبسات سروالها تجينز وتيشورط فلبيض طلقات شعرها ودارت عكر حمر ونضاضر وهبطات جارة باليزتها خرجات ومشات .
زهير لي خرج من دار مشا قاصد واحد لقهوة دخل وجلس وبقا ساهي كيشوف لبعيد وكيفاش نطقات وقالتها ليه بكل صراحة مكنبغيكش كنبغي خوك ومبغيتش مراتو كيفاش قدرات دير فيه هكذا وعلاش واش هو ميستاهلش يكونو عندو وليدات ودار وزوجة لي تبغيه.
مونة لي شدات طاكسي وقصدات دارهم وصلات لدرب وتمات داخلة وقفات فباب دار وبدات كدق تاتمات خارجة عندها واحد ختها حجبانها لمطراسين وصدرها لي نصو عريان وبيرسينك فنيفها وشورط .
مرية: ايهاااي شكون جااا.
مونة: حيدي من قدامي غنسكن معاكم.
مرية: ياكما طلقتي!
مونة: اممم طلقت من زهير حتى يحن عليا الله وندي تاج دين.
مرية سدات باب دار: تي سيري تكمشي سيد تزوج وتي باقية طامعة فيه.
مونة لاحت صبادرينتها: ومراتو حاملة .
مرية جلسات: وايلي ههه وايوا خطيك من سيد.
مونة: هي لي متكونش ليه.
مرية: ايوا اختي ضبري راسك فوتيني غير انا.
مونة: فين هي مييي!
مرية: راهية فدار خالتي تاتي ولوليد كيف ديما مع مرتو لخرا عايش لحياة.
مونة: يعاود لمخووو لواحد هو لي يعيش جيبي ليا ناكل فيا جوع.
مرية: واخة تسناي.
يتبع...
