_سهم الغرام_♟️🫀
_ب_: 49
تجمعو لعائلة كلها جلسو وتغذاو فاتت وقيت لغذا نوضو لعروسة جات عندها لكوافورة بدات كتلبس ليها كانت لبسة عبارة عن قفطان مطرز بذهبي وهو كامل فلاخضر دال على لحناء وتاج صغير فذهبي وكولي فذهبي فيه حجيرات فلخضر وبليغة خفيفة فذهبي .
لتحت كان صالون عامر بلعائلة ولاغاني مطلوقين وكثرة داخل ولخارج متسمع غير مبروك الله يبارك فيك تمو غادين جوج بنيات صغيرات بنت اسية ونور لابسين قفيطنات فلبيض وشعرهم فيه تاج فلفضي هازين شميعات ووقفو فلخر ديال دروج تمو مهبطين لعروسة على صوت الصلاة وسلام اما تاج دين كان جالس فلبرزة كيساين عروستو لمصونة وعينين كولشي عليه كاين لي مدح جمالو وكاين لي بنا فيه ديفو تمات غادية سمات الله وجلسات وهي حشمانة وهي تجي زهرة بقميصها لبيض وعقيقها لبيض تبسمات وباست جبهتها .
زهرة: الحمد لله لي ربي حياني حتى وليت جدة وحضرت ليكم اوليداتي .
غفران تبسمات : الله يخليك لينا امي .
زهرة: اميين ابنتي والله يكمل عليك بلخير .
غفران : اميين ياربي.
قرب ليها تاج دين وهو مبتاسم وهمس فودنها: ماشاء الله جيتي بلارة ولي لبستيه كيواتيك قلبي موحال يزيد يدق بلا بيك.
غفران تبسمات: تانتا ماشاء الله جيتي غزال .
كان لابس جلابة فلبيض وشعرو محسنو ولحيتو مطراسيها ومبتسم وفرحان بيها تاتم داخل لابس جلابتو ومكفطها من لتحت وعكازو فيدو وقف فلوسط وبدا كيشطح ويضحك رغم كبر سنو وقف حدا غفران باس ليها راسها قرب يحيد ليها تاج.
عبد رحمان: وامبروك عليك ابنيتي ومبرووك ربي عالم شحال فرحت ليك النيتي . جبد من قبو ساشي ومدو ليها ليدها .هاذا ليك ابنيتي قبلي هديتي شي شريتلة ديال ذهب من عند عمك تفكريني بيها .
غفران: مكانش عليك اعمي بلاصتك كبيرة عندي.
عبد رحمان: تستاهلي كتر ابنيتي تستاهلي .
مشا كيشطح ومرتو كتصفق ليه وجر معاه لحاج ميلود لي حشم ولحاج محمد وبداو يشطحو .
تاج دين: شكون هذا!
غفران : هه هذا عم بابا .
تاج دين: وفمو شايط عليه مكانش عليه يتسرع غير جاني قد الوليد ومابغيتش نحكر ماتمديش راسك لكولشي ماشي نتي لالة مغنية نجيو نزوروك اغفران.
غفران: امم واخة .
تمات جاية نقاشة وجلسات ومدات ليها غفران يديها وبدات تنقش ليها.
يتبع...
