_سهم الغرام_♟️🫀
_ب_: 18
_الفياق بكري بالبرد المكوي_
_مكاين لا ذهب لا سيدي بو زكري_
بهاد لكلمة فاقت غفران ملي صبحو عليها كينوضو فيها وصوت لهضا علا مشات غسلات وجها ودازت لبيتها لبسات بيجامة خفيفة وطويلة وشعرها جمعاتو وعاد مشات لصالون ديال لتحت لقاتهم كيحطو لفطور وجداتها حبيبة وخالتها بهية وبناتها جاو وجالسين كيفطرو معاهم .
غفران: صباح لخير عليكم[مشات كتسلم عليهم وجلسات] فاين هو باجدي امي!
زهرة[كتقاد لفرماج فلمسمن لولد محسن]: مشا هو وعمك وراجل ختك لسوق يشريو شي بوبطان[حولي / خروف] .
غفران: بصح وغيذبحوه هنا!
رحمة: ايوا اش بغيتهم يذبحوه لهيه .
غفران: لا .
بهية: امم الله ياختي وغير تعذيتي على لبنية وهي باقة صغيرة وتزوجيها الله على بنيتي.
زهرة: لا ابنيتي مصغيرا والو قراناتها راهم قراب يزوجو ولادهم راهية شاربة عقلها غير كدير فيها هبل تربح نيت هي لي ولات فهاد زمان الحبيبة.
حبيبة[تبسمات ]: ايه بصح الحاجة نيت بنيتي ولات غزالة ومتبتة والف واحد يتمناها .
رحمة: الله يخلي ليك صحيحتك امي .
وهوما كيفطرو تالقاو صوت دقان فباب دار ناضت غفران مشات لبابو حلاتو وهي تبان ليها طونوبيل حابسة فيها راجل كبير فسن وشاب متكي على طونوبيل وعاطي بضهرو لباب دار كيهضر فتيليفون .
لحاج محمد[تبسم ]: بنتي كاين لحاج ميلود!
غفران[تبسمات]: لا اعمي مكاينش مشاو لسوق واقيلة ، لبغيتي تتسناه جيو دخلو مرحبا بيكم .
لحاج محمد[تبسم]:الله يرضي عليك ويدخلك لخير ورباح ابنتي فساعة لخير .
غفران: ملي يجي دبا نقول ليه واحد سيد سول عليك وهو يمكن يكون عارفك.
لحاج محمد: اييه عارفني ابنتي خليت ليك راحة .
غفران قبل متجاوبو بانت ليها مغنية جاية شحال فرحات مشات كتجري ليها وشعرها لي جامعاه تفسخ ليها ولا كاملو طايح على ظهرها بدات تبوس وتعنق فيها ، ظار تاج دين بعدما كمل كلامو بانت ليه شابة شعرها على ظهرها فاتنها وعينو ليها مشات ولا ستغفر وقال مع راسو صاف لكلمة تعطات ومراتو ترشمات يعني يحذر عينو ويرضا باش ما طلعات ليه مغرفتو ركب وزاد بطونوبيل .
غفران: خالتي توحشتك بزاااف اخالتي الحمد لله لي جيتي .
مغنية: الحمد لله ابنتي خلاني كي شتي تشد فلحبس لبارح وعطاوه ربع شهور ديال لحبس وانا جيت .
غفران: الله ياربي الحمد لله اخالتب لي نتي دبا معانا زيدي دخلي زيدي.
هزات عليها صاكها وتمو داخلين وباب دار سداتها وهي غتموت بلفرحة .
يتبع...
