_سهم الغرام_♟️🫀
_ب_: 146
رفيسة بدات توجد وصالون عمر بلحباب ولصحاب ، رفيعة شدات طاكسي ومشات من ورا تاج دين باش يجيبو غفران ولبنية ، وصلات رفيعة لسبيطار ودخلات لقات تاج دين هاز لبنية وغفران لابسة تقيشراتها وكاب طويل فلزرق ومتكية كتشوف فتاج دين وبنتها وتتبسم.
رفيعة: هاواااحد سلام عليكم الزينات دياولي.
تاج دين: شكون هادو!
رفيعة: ماداوياش معاك داوية مع غفران وبنت خويا لحلوة.
تاج دين: لحلوة! اااه فوتي بنتي عليك.
رفيعة: لاء اخويااا علاه نتا نهار زيدت بنتي عطيتيها تيقار وحتى انا هاديك دبا بنتي .
غفران كضحك بشوية: هه الله يهديكم.
تاج دين مدها ليها:شدي وعنداك غير بشوية كنعرفك عبد لقادر فتعاملك ديالك.
رفيعة شدات لبنية وباستها: علاه بنتي ربيتيها ليا نتا ولا ولدي واااراك كتغلط فيا. خرجات رفيعة سابقاهم.
تاج دين مشا كيشد فغفران وكينوضها بشوية: مراتي غير ترتاح وديك ساعة نزيدو شي ولد ولا بنت تاني .
غفران خرجات فيه عينيها: لااخويا عمر داود يعاود الله ياربي الله باغي تقتلني.
تاج دين: شتي فاش وليتي دوي بشوية كتباني فنة وغزالة.
غفران: امم كتصبغني دبا!
تاج دين: لا كنبني فيك يالله زيدي غير بشوية الحميمقة ديالي.
تم غادي شاد فيها ركبها فلكرسي لمتحرك ومشا بيها تالباب ونزلها بشوية وركبها ودار ليها سمطة جلسات لقدام ورفيعة لور .
فدار لحاج محمد مجموعين وعلى لغا وفرقان لمعاني ولهناني متعاركين ، شي باغي سمية وشي باغي سمية كلها يلغي بلغاه ريحة رفيسة واجدة ، حطو لحليب وتمر باش يستقبلو غفران ولبنية تاناضت سوسن لي لابسة بيجامة خفيفة فلاسود وطويلة وشعرها جمعاتو طلعات لسطح وبدات كطل وكتخمم فحياتها وكيفاش دوا معاها اسماعيل لي بنات معاه بزاف ديال لحوايج زوينين سوية بدات كتبكي.
يتبع...
