_سهم الغرام_♟️🫀
_ب_: 46
وصلو قدام دار نزلو وهي تتحل لباب كانت رفيعة هازة فيدها بلاطو فيه لحليب وتم ومريشة ديال زهر تاج دين عطاها تمر وعطاتو حتى هي وشربو لحليب ونصيرة رشاتهم بلمريشة وسمات الله ودخلو لدار جلسو فصالون وتم جاية مونة سلمات على غفران لابسة قميص من نوع جوهرة فلغوز وشعرها جامعاه مخلية غير خصلات صغار هابطين على عينيها وباركات وجلسات .
تاج دين همس فودن غفران: جمعي شعرك وغطيه الله يرضي عليك مكانش عليك نتي زوينة بلاش.
غفران تبسمات وجمعات شعرها وقادات زيفها وهي رفيعة تجي وقفات عليهم.
رفيعة: لازم عليا نصوركم .
صوراتهم بوحدهم ومع لحاج ميلود ومحمد وزهرة ونصيرة . تاسمعو دقان فباب دار لي وصلهم ليها رشيد حلات مونة ودخلو كيسلمو ويباركو وزغرتو وضحكو ومشاو جلسو .
تاج دين تبسم: اجي تبعيني .
غفران خنزرات: لفين!
تاج دين: دبا راني راجلك اغفران لصالون لاخر ندويو انا وياك .
غفران يالله غتهضر وهي تنغزها زهرة وهمسات ليها حدا ودنها .
زهرة: تبعي راجلك وماشي وقت شي حاجة تاديريو لعرس كلها بوقتو .
ناضت تبعاتو ومشاو لصالون اخر هو تكا وهي جلسات حداه .
غفران شافت فيه كيفاش مغمض عينو ومرتاح: مالك كتبان ليا عيان !
تاج دين تبسم ليها وجرها عنقها عندو وهو مرتاح حيد ليها زيفها وطلق ليها شعرها : ودبا خليه هكذا حيث معايا انا ممعا حتى حد ودبا كنحس براسي ملكة دنيا كلها .
غفران عجباتها ريحتو: حتى انا حاسة براحة كبيرة.
تاج دين كيلعب ليها فشعرها : غفران مكرهتكش تبقاي معايا دبا صاف.
غفران: لا دبا خاصني نمشي اصلا لعرس بقات ليه يومين اتاج.
تاج دين: ولكن انا مصاخيش بيك.
غفران: هه تالهاد درجة .
تاج دين: امم وبزاف ابلارتي .
غفران تبسمات على اش سمعات: بلارتك!!
تاج دين: من ليوم نتي بلارتي و..
يالله غيكمل كلامو تادخلات عليهم مونة وهي تصدم فيهم .
مونة: ءء نن نتوما هنا سمحو ليااا.
تاج دين جر غفران عندو لي حشمات: ماشي مشكل اختي دبا خرجي وسدي لباب وراك.
مونة : اه واخة.
خرجات من عندهم وسدات لباب ومشات بزربة لبيتها وجلسات كتبكي بعدما سداتو.
مونة: عمرك تكووون ليها نتا ديالي اتاج ديين ديالي بوحدييي بوحديييييي .
يتبع...
