_سهم الغرام_♟️
_ب_: 50
سكتو لبيفان وجابو لبنادر وتعارج عطاو لزهرة ولبنات وبدات تغني ليهم زهرة وهوما يعاودو وراها اما رحمة عينيها غرغرو وبدات تبكي على بنيتها لي كانت باقية معاها صاف تزوجات .
زهرة وهي كتغني:ألالة مود يدك مودو للحناني ترودو .. ألالة كتقولك يمك أبكي ولا تسكت العزيزة عليك .
بدات حتى غفران كتبكي وتاج دين بدا كيمسح ليها بكنينيكس دازت ليلة لحناء لي بعشاها وغناها وفرحتها ولغاها حنات وغنات ولكاع لبنيات زينات وفالت وتفيلات وكل بنت فراسها رسمات عريس لماجي على عودو تخيلات ناضت لحنتها حنتات وحتتات فزيف بيض لي عطاتو لامها ولخوفها من سحور دسات ونسات بلي ضربة من لقريب قربات وبين عينيهم توشمات وموحال تكمل لفرحة لتلاقات قلوب نية بقلوب شر فيها شلا كيات .
تاج دين ركب فطونوبيلتو وهز مو وباه وختو ومرت خوه وراجل ختو لي لحق وراهم اما نص فعائلتو باتو فدار لحاج ميلود تاج دين دخل لبيتو لي تخيل فيه بلارتو شاف لحنة فيدو وخاتمو لفضي عرف بلي غذا تكون فبيتو تبسم وحيد حوايجو ومشا ينعس حيث غذا غيكون يوم عرسو .
اما غفران مسحات وجها وغسلاتو وشعرها فسخاتو ولباسها حيداتو ولحنتها شمات وفرحات ولخاتمها لي مزين يدها قربات وعرفات بلي خدات راجل ولكن زمان ودنيا تفرزو واش ذكر ولا راجل كيف شافت حيث شحال لي كيجي قط ويولي سبع لحاصول البنيات كولشي دار سكتات وكلها عينو غفات وليل غطا سطوحا ولبالكويات وريح صيف لباردة غنات ولحنات بين جواف ناس طربات .
يتبع...
